Thirty First of May (Closed)

有時候想去啲浪漫嘅餐廳撐下枱腳，見到呢間餐廳開左唔係好耐又多人介紹，就試一試！一入到餐廳感覺好有格調，有點工業風，最吸睛嘅就係中間嘅月球燈，令成間餐廳更有情調。黎到咁靚嘅環境，當然要食好少少啦！我地就叫左個豪華海鮮拼盤二人餐，埋單每人都係$300左右，絕對抵食！海鮮拼盤每款海鮮都好大隻、又新鮮，生蠔&帶子刺身好Creamy，令人印象深刻之後嘅頭盤我地就揀左意式三文魚薄片，配埋檸檬辣根汁酸酸甜甜好開胃，亦可以清一清頭先海鮮拼盤嘅飽肚感然後就到黑松露野菌忌廉湯，配上有牛油蒜香味嘅麵包，味道好夾！最後就係西班牙海鮮飯，因為一開始嘅海鮮拼盤份量十足，好彩佢呢個西班牙飯份量兩個人食啱啱好，可以清哂碟而又唔會感覺飽到上心口。飯上面嘅海鮮一樣係好有鮮味，亦做到西班牙飯嘅味道。