悅滿軒

屋企人強烈推薦嘅餐廳－悅滿軒，位於饒宗頤文化館入面，位置比較偏但餐飲質素高又有特色，值得造訪👍🏻先嚟烘熱咗嘅麵包－手工麵包加咗蕃茄乾，搽上軟滑嘅黑水欖牛油，味道與別不同。餐廳供應天然無激素、無抗生素嘅美國牛肉－我地揀嘅牛腹肉肉味濃，外面亦有grill嘅香味，叫五成熟保留到佢粉嫩嘅口感，點粗鹽最好味～伴碟嘅燒車厘茄香甜爆汁，燒蒜頭烤過後少咗嗆辣味變得軟綿易入口。依度嘅pasta都係自家製作嘅－今次食嘅菠菜貝殼粉好煙韌，裹滿忌廉菠菜汁好入味；鑽石蜆鮮甜厚肉，pasta入面仲加咗細隻啲嘅蜆肉同菠菜苗，食落更豐富。