Video
Read full review
2023-07-14
295 views
同屋企人黎左觀塘大喜屋食放題, 平日6點半入座, 食2個鐘, $298/位另加一~餐廳好大喔!! 有好多位, 但都係座無虛席好旺場 黎食最好BK定位喇...食物方面分自助區& QR CODE落單~~自助區有多款冷盤, 小食, 熱葷, 選擇豐富!!! 飲品就有果汁, 汽水, 啤酒, 清酒梅酒, apple cider, 冷泡茶, 熱飲等等~~刺身有松葉蟹腳, 三文魚, 油甘魚, 希靈魚, 北寄貝, 赤蝦, 甜蝦, 八爪魚, 北海道帶子, 赤貝等~放題都有松葉蟹腳食好正丫!! 我地encore左幾round, 質素都幾好, 松葉蟹腳肉質鮮甜味美其他魚生都好新鮮, 算好高質王牌燒乳鴿王平時一隻乳鴿價錢都唔平, 呢道有得任食真係爽呀乳鴿上枱熱辣辣, 外皮甘香脆口, 肉質幼嫩Juicy~~八寶石鮑魚杯鮑魚杯賣相好吸引~~ 杯內有鮑魚, 黑魚籽, 魚籽, 油甘魚 & 吞拿魚蓉, 味道新鮮可口!!!非常推薦呢個鮑魚杯, 食材多樣又特別, 鍾意魚生刺生既不能放過海膽山海膽幼滑鮮甜, 仲有D蟹膏, 呢個配塔都唔錯蒜蓉粉絲蒸扇貝扇貝算好大粒喔, 肉質一梳梳好柔軟~炸蒜卜卜脆, 連埋索晒汁既粉絲一齊食, 口
餐廳好大喔!! 有好多位, 但都係座無虛席好旺場 黎食最好BK定位喇...
食物方面分自助區& QR CODE落單~~自助區有多款冷盤, 小食, 熱葷, 選擇豐富!!!
飲品就有果汁, 汽水, 啤酒, 清酒梅酒, apple cider, 冷泡茶, 熱飲等等~~
刺身有松葉蟹腳, 三文魚, 油甘魚, 希靈魚, 北寄貝, 赤蝦, 甜蝦, 八爪魚, 北海道帶子, 赤貝等~放題都有松葉蟹腳食好正丫!! 我地encore左幾round, 質素都幾好, 松葉蟹腳肉質鮮甜味美
其他魚生都好新鮮, 算好高質
王牌燒乳鴿王平時一隻乳鴿價錢都唔平, 呢道有得任食真係爽呀
乳鴿上枱熱辣辣, 外皮甘香脆口, 肉質幼嫩Juicy~~
八寶石鮑魚杯鮑魚杯賣相好吸引~~ 杯內有鮑魚, 黑魚籽, 魚籽, 油甘魚 & 吞拿魚蓉, 味道新鮮可口!!!
非常推薦呢個鮑魚杯, 食材多樣又特別, 鍾意魚生刺生既不能放過
海膽山海膽幼滑鮮甜, 仲有D蟹膏, 呢個配塔都唔錯
蒜蓉粉絲蒸扇貝扇貝算好大粒喔, 肉質一梳梳好柔軟~
炸蒜卜卜脆, 連埋索晒汁既粉絲一齊食, 口感豐富
薑蔥爆鱔球鱔球好惹味, 每件都幾厚肉~~
而且外皮香脆, 肉質爽口彈牙~
香草牛油煮大蜆個汁有濃郁既牛油味, 味道一流!!
大蜆鮮嫩又冇沙
燒溫室甜菠蘿燒過既菠蘿又甜又多汁, 好味
甜品方面有好多選擇~~
最正係有任食Haagen Dazs雪糕
另外仲有雪條, 甜筒, 豆腐花, yogurt, cake, mousse, 大福, 布甸等等!
最後要讚下呢道既職員~
屋企人唔小心倒瀉飲品, 職員就即刻拎紙巾同溼紙巾俾我地同幫手抹地, 真係萬分感激
另外就係一同職員講話冇晒雪糕, 佢地又即刻refill, 做野好快手又勤力
Post
