麵屋丸京

Open Now

Now Closed

中午食完一間幾好食嘅拉麵，但始終有啲唔夠喉，睇留言見到有人提呢間，於是夜晚試埋佢。冇當日即刻打食評，所以記憶有啲矇糊，但絕對記得係塊叉燒份量多再加幾好食，佢有分三塊燒三塊唔燒，唔燒嘅幾好食。湯底ok, 我再加咗背脂，但我覺得有啲啲油，所以建議唔使加。麵質都一樣唔係傳統個隻拉麵，唔係唔好食，只係唔係我杯茶。配料好食，一樣絕對合格。價錢我食咗$100+$10（背脂），我自己覺得合理，因為真係幾飽，但未去到好抵。留意，星期一至四同五至日嘅menu 唔同，自己查咗先去。