水雲間 (Closed)

平時都經常和同事到水雲間午飯， 之前一向都有半自助餐形式嘅午餐，但可能受疫情影響所以都轉咗做set lunch。3 courses set lunch係$198，包餐湯， 餐包，主食和甜品。餐湯係蕃茄湯， 好濃烈嘅蕃茄味，沒有任何配料，唔會食到蕃茄，好似蕃茄Smoothie!👍🏻今次係第一次係水雲間叫豬扒，想像不到那麼好食， 肉質軟熟彈牙， 肉汁充足，調味襯左黑椒好好味。豬扒配襯了薯蓉、西蘭花、椰菜花同埋幾條蘆筍。份量雖然唔多，但係加埋餐湯和甜品剛剛好。最後就係是日甜品， 🫐 醬配牛奶布甸，個人10分喜歡，牛奶布甸軟滑， 充滿奶油味，加上酸酸甜甜的藍莓醬好好味！