勝八居酒屋 (Closed)

銅鑼區美食甚多，今次試吓呢間日式餐廳。位於登龍街，裝修簡單清雅，燈光柔和。 日式套餐包括麪豉湯，沙律及前菜蘿蔔絲，主菜我揀左北海魚生飯。麪豉湯鹹道啱我口味，北海魚生飯材料豐富，份量十足，有海胆，大隻鲜蝦，三文魚，帶子，加上三文魚子，鋪滿成個飯面，甚為壯觀。海胆十分鲜甜，令成個飯提升级數。三文魚和帶子夠晒大份，鲜蝦大大隻，新鮮味美，简直係高質又抵食嘅套餐，而且仲有甜品綠茶雪糕壓軸，直情係心滿意足。抵讚!