阿里山 (逸酒店) (Closed)

呢個星期 WFH，加上凍咗幾日，好自然想揾多啲嘢食。最近上網睇到呢間的古早味蛋糕好多人讚，忍唔住要帶番兩底試吓。看下門前的 menu，款式可真不少，有啲仲係未見過的。店舖是以 open kitchen 設計，雖然地方細細，不過好乾淨，加上咁啱師傅剛焗好一底，真係好香。我好開心咁帶咗兩款我從來沒食過的口味，就係新口味嘅海苔肉鬆和柚子蜂蜜。先講蛋糕底，打得非常綿密，而且好軟滑，口感有少少似 cheese cake，真係好驚喜。海苔肉鬆的量唔算少，兩者的味道都好突出，跟蛋糕好夾。柚子蜂蜜有點甜甜地，仲食到一條條柚子皮，味道帶著小清新。連阿仔見到都忍唔住要拎著來食。