拉麵台風 (Moved) New Location

每次經過拉麵台風，總見到出面人龍長長，每次都望門興嘆。早兩個禮拜再入荃灣，差唔多晚上九點經過，終於唔使等位，可以直入🤩。叫咗魚介豬骨湯拉麵，麵同醬汁嘅份量都揀咗正常。食物未上枱，睇定店家提供、圖文並茂嘅食用方法，做定功課先，真係勤力嘅學生😌。我依照 menu 指示，飲啖湯食啖麵先，感受一下豬骨湯嘅鮮甜；之後就簡化程序，將魚粉撈勻並加入蒜蓉，再呷一啖湯，湯底魚介味頓時變得濃郁偏鹹，將掛咗魚介湯嘅拉麵啪入口，麵質係我鍾意嘅略硬口感，好正👍。配料方面，有叉燒、紫菜、大蔥、筍同半隻溏心蛋，大部份正常水準，唯有溏心蛋稍為 over 咗，唔太溏心😂。想讚嘅係呢碗麵配料同拉麵嘅份量都多，menu 話比一般拉麵店多 1.5 倍😌，果然夠哂勁量，食完真係飽到上心口，抵食。