Video
Read full review
2024-08-10
171 views
而家間唔中星期五都會去所謂嘅比賽，其實只係柴娃娃度玩幾局，地點響南華會。每次都會約埋一班同事一齊食個飯先出賽。今次因為平日負責膳食嘅朋友仔嚟唔到，所以冇人決定嘅情況底下就求其揀咗呢一間。（以為佢係平時嘅茶餐廳有茶餐食嗰種。）見都係嗰啲類型嘅嘢啦，點知原來冇我想食嘅茶餐（即係有碗麵炒蛋多士嗰啲囉⋯⋯）咁就大鑊啦，我呢啲選擇困難症嘅又好少會揀個飯食，終於退而求其次想揀一個咖喱豬扒飯，明明佢幅相有炒蛋有配菜，點知落單嘅時候佢話講明先係冇炒蛋同配菜嘅，咁即係圖片與事實不符啦！（但係佢又事先講明，冇得同佢嘈）嬲嬲地唯有揀過第二樣，結果揀咗蔥油豬扒飯太陽蛋 （因為我鍾意沖油撈飯囉）其實齋食個飯仲好食，佢個豬扒雖然好大塊，不過切開似人哋冰咗好耐既肉咁、全靠佢外面嘅醃料，令到佢似返舊豬扒😞又係見到人哋食，總係覺得人哋嗰碟好食啲，早知我食滑蛋叉燒飯啦，肯定唔會難食先啦，又唔使自己切又有滑蛋又有汁撈飯😝
見都係嗰啲類型嘅嘢啦，點知原來冇我想食嘅茶餐（即係有碗麵炒蛋多士嗰啲囉⋯⋯）
咁就大鑊啦，我呢啲選擇困難症嘅又好少會揀個飯食，終於退而求其次想揀一個咖喱豬扒飯，明明佢幅相有炒蛋有配菜，點知落單嘅時候佢話講明先係冇炒蛋同配菜嘅，咁即係圖片與事實不符啦！（但係佢又事先講明，冇得同佢嘈）嬲嬲地唯有揀過第二樣，結果揀咗蔥油豬扒飯太陽蛋 （因為我鍾意沖油撈飯囉）
其實齋食個飯仲好食，佢個豬扒雖然好大塊，不過切開似人哋冰咗好耐既肉咁、全靠佢外面嘅醃料，令到佢似返舊豬扒😞
又係見到人哋食，總係覺得人哋嗰碟好食啲，早知我食滑蛋叉燒飯啦，肯定唔會難食先啦，又唔使自己切又有滑蛋又有汁撈飯😝
Post