長勝廳

Open Now

Now Closed

有同事要走，他說想到馬場試試，所以就託朋友班了幾個馬牌在呢度食自助餐。這裡位處馬場正中，景觀不俗，買馬的可以慢慢睇完馬才下注，唔賭的都可以悠閒地進餐。食物種類不算很多，但勝在refill的速度很快，所以幾時都好似未食過一樣。沙律選擇不多，有兩盤野菜同通粉沙律，仲有海浙同醃青瓜，好在都叫幾新鮮；壽司和刺身都有幾多種類，但壽司是應是別處交來，不太新鮮，所以都不大有興趣。刺身有大量吞拿魚、三文魚和八爪魚，沒有吃過所以不知新鮮與否；生蠔是中等size，幾新鮮亦甜美，所以都食左半打有多；有7款芝士供應，山羊芝士、軟芝士、藍芝士等都有，無咩人吼，所以可以逐款慢慢試；熱盤有10款左右，但水準麻麻，最好食的是炸蝦丸，用鮮蝦打成，又成日refill，鬆脆好味；飯只是白飯，而上海粗炒又極多油，所以無食；甜品種類不少，其中以焗布甸最好，另外Cherry Jubilee都幾好，車厘汁加雪糕極之正，食左幾杯。埋單位位二百幾，都唔算貴。