Video
Read full review
2024-11-13
142 views
突然想食炸雞，就係屋企附近搵咗呢間，被譽為”炸雞界Prada”嘅…PURADAK CHICKEN實際上呢個係由於名稱嘅讀音同Prada相似而成。不過佢的確有啲貴族成份。特別係炸雞嘅烹調上佢係以鮮焗後炸嘅方式去做，不過對炸雞有冇好嘅影響就要試過先知。梅子梳打 ($28)青蘋果梳打 ($28)兩杯梳打都整得相當靚仔，入口都唔會好甜，氣量充足，但記得要攪勻。半半炸雞(無骨) $238炸雞可以一份咁叫，亦可以半份咁叫。而且點叫都好，可以揀有骨及無骨。味道方面，仲有好多選擇。今次我哋就揀咗”羅勒地獄炸雞”同”紫菜脆脆炸雞”。羅勒地獄炸雞嘅味道就係喺羅勒醬度嚟，而且意外地幾夾。紫菜脆脆炸雞嘅味道比較複雜，有紫菜嘅脆脆味道，亦有少量甜味同蒜味。無論揀邊種味道，其實佢嘅重心都係雞肉本身。的而且確，用先焗後炸嘅方式可以避免到雞皮過脆過乾，雞肉亦唔會好嚡，最重要係呢個方法食炸雞可以最大限度減少佢嘅熱氣度，所以每人都可以食好多件而唔會覺得好熱氣。爆粟墨魚圈 $78墨魚圈本來已經好食，加上爆好多粟米粉，充滿粟米甜味，美味無窮。黑芝芝波 $58呢度嘅隱藏美食，外脆內軟嘅背後，內裏嘅芝士係拉到絲嘅。另外要提提佢有
PURADAK CHICKEN
實際上呢個係由於名稱嘅讀音同Prada相似而成。不過佢的確有啲貴族成份。特別係炸雞嘅烹調上佢係以鮮焗後炸嘅方式去做，不過對炸雞有冇好嘅影響就要試過先知。
梅子梳打 ($28)
青蘋果梳打 ($28)
兩杯梳打都整得相當靚仔，入口都唔會好甜，氣量充足，但記得要攪勻。
半半炸雞(無骨) $238
炸雞可以一份咁叫，亦可以半份咁叫。而且點叫都好，可以揀有骨及無骨。味道方面，仲有好多選擇。
今次我哋就揀咗”羅勒地獄炸雞”同”紫菜脆脆炸雞”。
羅勒地獄炸雞嘅味道就係喺羅勒醬度嚟，而且意外地幾夾。紫菜脆脆炸雞嘅味道比較複雜，有紫菜嘅脆脆味道，亦有少量甜味同蒜味。
無論揀邊種味道，其實佢嘅重心都係雞肉本身。的而且確，用先焗後炸嘅方式可以避免到雞皮過脆過乾，雞肉亦唔會好嚡，最重要係呢個方法食炸雞可以最大限度減少佢嘅熱氣度，所以每人都可以食好多件而唔會覺得好熱氣。
爆粟墨魚圈 $78
墨魚圈本來已經好食，加上爆好多粟米粉，充滿粟米甜味，美味無窮。
黑芝芝波 $58
呢度嘅隱藏美食，外脆內軟嘅背後，內裏嘅芝士係拉到絲嘅。另外要提提佢有紫薯層，所以會有少少甜味。
聽好多人講，呢度食炸雞好貴，但我思前想行，一份半半炸雞，賣$238，但足足有14件，遠遠超過二人份量。加上非常充足嘅調味，喺呢個角度睇，其實唔算好貴。
Post
