Video
Read full review
2021-02-16
461 views
響赤柱行完市集, 想食Pizza Express之制, 原來已到6:00pm,但又好想食, 唯有外賣, 見到夠晒應節的新年限定-如意套餐Fortune Set $588 , 2-3人餐, 有沙律, pizza同飲品, 啱晒, 快靚正, 唔洗諗, 店員提及套餐有兩杯飲品, 介唔介意用玻璃杯上, 我地當然唔介意啦, 一心諗住就算外賣都會對住個海景圍欄果邊趁熱食左件Pizza先拎返屋企食, 因太肚餓了。 店員送上兩杯特飲, 飲品係荔枝梳打, 估唔到有兩大粒荔枝肉, 配上薄荷葉,好清涼。另一杯係西柚特飲,有一大片西柚，酸味味, 好開胃, 加了大大粒的鮮蘆薈肉,份外清甜。拆左份Pizza食先, 又可對住海景食, 襯托埋旁邊的燈飾, 份外浪漫。其餘拎返屋企同家人分享, 先食頭盤, 係軟心芝士Parma Ham烤蜜桃併盤, 份量好多, 有我至愛的火箭菜底, Parma Ham質素好好, 肉質唔硬, 仲要唔會好咸, 味道剛好, 肉味香濃; 而蜜桃烤焗過, 甜味更出。主菜可以4選1 , 選了牛肝菌西班牙腸Pizza, 見到材料好多, 有mozzarella、fontina和巴馬臣三種芝士, 仲要包埋
響赤柱行完市集, 想食Pizza Express之制, 原來已到6:00pm,但又好想食, 唯有外賣, 見到夠晒應節的新年限定-如意套餐Fortune Set $588 , 2-3人餐, 有沙律, pizza同飲品, 啱晒, 快靚正, 唔洗諗, 店員提及套餐有兩杯飲品, 介唔介意用玻璃杯上, 我地當然唔介意啦, 一心諗住就算外賣都會對住個海景圍欄果邊趁熱食左件Pizza先拎返屋企食, 因太肚餓了。
店員送上兩杯特飲, 飲品係荔枝梳打, 估唔到有兩大粒荔枝肉, 配上薄荷葉,
好清涼。另一杯係西柚特飲,有一大片西柚，酸味味, 好開胃, 加了大大粒的鮮蘆薈肉,份外清甜。拆左份Pizza食先, 又可對住海景食, 襯托埋旁邊的燈飾, 份外浪漫。
其餘拎返屋企同家人分享, 先食頭盤, 係軟心芝士Parma Ham烤蜜桃併盤, 份量好多, 有我至愛的火箭菜底, Parma Ham質素好好, 肉質唔硬, 仲要唔會好咸, 味道剛好, 肉味香濃; 而蜜桃烤焗過, 甜味更出。
主菜可以4選1 , 選了牛肝菌西班牙腸Pizza, 見到材料好多, 有mozzarella、fontina和巴馬臣三種芝士, 仲要包埋Parma Ham同大量火箭菜, 而且細心的分開用盒載, 配上一個稠身的黑醋醬, 好似加了蜜糖般, 又酸又甜, 加埋一齊食, 非常開胃。
另一款叫了Margherita Prima Pizza, 一款百吃不厭的意大利傳統Pizza, 餅底極薄又脆，有Buffalo mozzarella, fresh basil , mozzarella cheese, tomato sauce, 真係食到「真」Pizza, 全無花巧配菜已非常好食。
因屋企多人, 所以再叫多個全隻烤雞寬條麵, 個汁好creamy, 有大蘑菇一片, 有口感, 寬條麵有蛋香, 又夠彈牙。燒雞好滑, 用了香草焗, 好香呀。
餐廳還送了一張$50 coupon留返下次用添。
Post
