The Boathouse (Closed)

今日同朋友去完銅鑼灣一個活動，突然即興想入赤柱行下，於是就搭小巴入赤柱喇！難得離開市區，入到赤柱，當然要行下啦！雖然天氣有D熱，但係望到呢個無敵大海景，心情真係會靚D！行到咁上下，係時侯醫肚，講到赤柱既餐廳，呢間船屋餐廳應該好多人都聽過，亦係好多人影相既熱門地點之一。叫咗2個SET LUNCH，煙三文魚薄片配炒滑蛋，Grill Salmon Tortilla Wrap煙三文魚薄片配炒滑蛋︰煙三文魚唔算太咸，炒蛋又滑又嫩，配咗黑松露醬，非常好味。Grill Salmon Tortilla Wrap︰醬汁配上三文魚味道好夾，辣辣地幾惹味，配菜有青瓜及紅蘿蔔絲，紅蘿蔔絲切得非常幼細，配合醬汁，平時唔鐘意食紅蘿蔔既我都可以完全接受。配菜炸薯條份量很多，薯條即炸，非常香脆。