雪龍湯 (Closed)

OP搵到呢間新開又有2x個好評的新派韓菜，我呢位小韓人食過之後就唔覺得有韓氣囉。首先，柯打三份前菜小食，韓式牛肉沙律，正常的，牛肉調味調得唔錯；金絲蝦卷，炸物，一條條炸物，油味好搶，裡面就食唔出係咩(可能係我味覺愚昧)；最出事係芝士餃子雞翼，成塊芝士撻响雞翼上面而唔係釀左入去係咩玩法？然後到主食，松葉蟹鉗烏冬，湯底係出前一丁味粉嘅味道，一般到唔一般(可能又係我味覺愚昧)；黑啤豬手，隻豬手燶到一個點，D配菜係食到啤酒味，黑唔黑啤我唔知，隻豬手同我本人就比較黑；又到終極出事招牌菜，話說呢間叫雪龍湯，叫個招牌牛肉雪濃湯應該冇死啦，一心期待係我最愛的雪濃湯味道，點知打撈到嘅唔係牛肉或牛筋牛骨，而係蘿蔔同牛展！咩料呀？喝一口湯，濃濃的蘿蔔湯的味道，說好的雪濃湯呢？問侍應點解會用牛展煲雪濃湯，佢話湯底係用牛肉牛骨去淆，用牛展上枱，sorry囉，你漏左樣好重要嘅材料：蘿蔔！其實係用蘿蔔去淆，係咪？我每次返韓國都吃地道雪濃湯，濃濃的牛肉牛骨味係令人回味，但唔係呢種味道囉。