走肉蔬食研究所 (Closed)

之前同朋友去咗走肉蔬食研究所食晚餐，去到每人都要點一份主菜，每份主菜都包出面嘅沙律吧。當晚嘅沙律吧有車厘茄、粟米粒、紅腰豆、酸蘿蔔、麻辣青瓜、薯粉、沙律菜，旁邊有醬汁可以自己調味。除咗前菜，出面亦有紫米露同檸檬水。雞籠 (很得雞 x 2) (選2: 108; 選3: $138) (蛋素)很得雞係用腐皮包住雪條棍整成嘅素雞脾，素雞脾嘅外皮炸到好香脆，外皮好似炸雞店嘅炸雞。雞籠附有3款醬汁同薯條，醬汁包括茄汁、蛋黃醬同芥末醬。招牌鮮茄焗豬扒飯 ($98) (蛋奶素)素豬扒係用傳統豆製品整成，食落有一絲絲嘅感覺。配料有蕃茄粒同燈籠椒。我鍾意佢醬汁夠多，撈飯一流。黃金蝦碌 ($108) (蛋素)素蝦用蒟蒻整成，食落好香鹹蛋黃味，不過食多2件開始覺得膩，所以多D人一齊食會比較好。旁邊嘅脆片外觀上好似蝦片，入口即化。片皮鴨配薄餅雜菜 ($118) (五辛;可走蔥)用薄餅包住素鵝同雜菜一齊食，雜菜包括有青瓜絲、紅蘿蔔絲同洋蔥絲，我最鍾意甜醬嘅味道。法國純素芝士蛋糕 (跟餐加$35)芝士蛋糕入面有一層拖肥，唔知係咪因為上菜後放得耐未食，質感較淋，冇正常芝士蛋糕咁結實。