龍鳳食堂

Open Now

Now Closed

帶屋企人走訪荃灣區，行入工業區見到有人走入地舖餐廳，我地望落餐牌價錢好似好抵bor, 就順便簡單醫下肚。坐低左再認真點望下餐牌，發現係真係抵bor, 款式好多，有啲選擇困難😆😆😆交比屋企人話事食咩：吉列魚柳，火腿通粉，菠蘿包配紅豆冰。野食看似簡單，不過覺得好滋味，覺得往後可以再搭車黎食下其他款。簡單講下個吉列魚柳，滋味在於魚肉質地本身嫩滑，靚魚黎！皮薄脆口，食過番層味。腿通湯底唔會好油而且比正常份量要多，火腿切條上。菠蘿包睇落係脹卜卜，查實咬落超軟熟而家好夠熱，菠蘿面皮薄脆香酥，我再另外買多個外賣第二日朝食😆紅豆冰都幾大杯，一半白一半紅，甜度恰好，係必配地道餐飲。