民華餐廳

Open Now

Now Closed

返工前食個豐富嘅早餐先！民華餐廳每朝都好多人，一早去到都已經要等枱，不過都還好，唔洗等好耐就有位喇！依度早餐選擇好多，有麵餐，又有盅飯，仲有點心添！我就好多時都會叫麵餐，先選一款麵，再配兩款配料。我揀左薑絲牛肉麵加煎雙蛋，仲有厚多士呀。薑絲牛肉麵都有好多牛肉架，帶有少少薑嘅香氣，麵底雖然唔係出前一丁，但係都有咬口架。至於煎雙蛋呢，蛋邊煎到有少少脆口，我個人喜好，會加少少醬油，依度嘅醬油係盅飯嘅醬油，所以帶甜，加落煎蛋度食，正！