Video
Read full review
2015-05-13
694 views
下晝去完深井食燒鵝，飽飽滯滯，其實都無咩食慾，不過晚餐總要食，就在荃新天地內閒逛搵下有咩野食。成個荃新天地都行左兩個轉，晚上7點幾，很多餐廳都滿座了，行行下見到呢間Amo La Pasta幾新淨，又無咩人等位就決定試一試。餐廳的廚房是open kitchen，而內部裝飾亦很花心思，有一個巨型書櫃，又有類似小麥的裝飾用以隔開餐廳和商場走廊。剛好一張4人圓檯已收拾好，所以很幸運地即刻可以入座。這天正是母親節，所以餐廳都有一個mother's day dinner set，價錢大概$168~$188，但包了沙律、餐湯、主菜、甜品和玫瑰花茶。西式晚餐來說，呢個價錢包左咁多樣野都算幾抵的。餐廳另外還有一個散叫的menu，意粉大概都是$68~$88，價錢合理。 看到隔離檯正在喝dinner set的玫瑰花茶，覺得好吸引，所以就為左杯茶而叫了一個set - 蒜蓉大蝦伴香茅燒帶子意粉($178)，另外再加一個意粉 - 香草三文魚伴鴛鴦意大利粉．乾蕃茄汁($80)。想不到先來的是我最有興趣的玫瑰花茶(熱)，都幾大pot，剛好讓我們兩個人share。見到有D客人叫凍的，也是大大Jar，如果是一個人飲..
成個荃新天地都行左兩個轉，晚上7點幾，很多餐廳都滿座了，行行下見到呢間Amo La Pasta幾新淨，又無咩人等位就決定試一試。
餐廳的廚房是open kitchen，而內部裝飾亦很花心思，有一個巨型書櫃，又有類似小麥的裝飾用以隔開餐廳和商場走廊。
剛好一張4人圓檯已收拾好，所以很幸運地即刻可以入座。這天正是母親節，所以餐廳都有一個mother's day dinner set，價錢大概$168~$188，但包了沙律、餐湯、主菜、甜品和玫瑰花茶。
西式晚餐來說，呢個價錢包左咁多樣野都算幾抵的。
餐廳另外還有一個散叫的menu，意粉大概都是$68~$88，價錢合理。 看到隔離檯正在喝dinner set的玫瑰花茶，覺得好吸引，所以就為左杯茶而叫了一個set - 蒜蓉大蝦伴香茅燒帶子意粉($178)，另外再加一個意粉 - 香草三文魚伴鴛鴦意大利粉．乾蕃茄汁($80)。
想不到先來的是我最有興趣的玫瑰花茶(熱)，都幾大pot，剛好讓我們兩個人share。見到有D客人叫凍的，也是大大Jar，如果是一個人飲...真係唔知點飲得完!
玫瑰花茶(熱)
22 views
0 likes
0 comments
沙律的菜幾新鮮，千島醬的份量適中，麵包條大概只是令賣相好一點，味道普通。
煙三文魚田園沙津
22 views
0 likes
0 comments
湯的表面灑上了忌廉和橄欖油，味道方面有點酸酸的，減去了一般忌廉湯的飽滯感。
黑松露和切碎了的野菌與湯混在一起，黑松露的香味不算濃，但整體味道不錯。
黑松露野菌忌廉湯
34 views
0 likes
0 comments
三文魚比較薄身，味道不錯，沒有腥味。
香草三文魚伴鴛鴦意大利粉．乾蕃茄汁
45 views
0 likes
0 comments
香茅就串住帶子上菜，很有impact。
這個意粉的汁比另一碟意粉茄汁味較重，汁的比例較高，無咁乾身。
蒜蓉大蝦伴香茅燒帶子意粉
48 views
1 likes
0 comments
然後問題就出現了...
看著侍應去了open kitchen那邊跟單，應該也有跟廚師講上甜品。
不過當時廚師們好似同著西裝的manager傾緊D落單上菜的程序問題，都講左好耐下，唔知係咪因為咁miss左我地個甜品上菜signal......
......等了又等，玫瑰花茶都快喝乾了還沒見甜品蹤影。
於是我們再跟著西裝的manager再講一次，結果又等了10分鐘.....
最後，第一次幫我地話上甜品果位侍應哥哥經過，見到我地張檯咁空，就即刻問返我地甜品上左未，超級體貼~~
知道未上就即刻再催廚房，仲拎定兩隻碟比我地。
千呼萬喚始出來.......精緻的雙色芝士餅終於出現在我們的餐桌上
分別是芒果同藍苺cheese cake，甜度和口感都有一定水準。碟上用糖粉砌出的I Luv U 字樣亦見心思。
跟餐甜品- 雙色芝士餅
22 views
0 likes
0 comments
總括而言，這餐廳暫時還在起步中，少不免有各種問題，但見到侍應和manager的反應和處理都做得很好，相信上軌道後會成為一間色香味服務俱全的餐廳^^
Other Info. :
見到好多檯都有叫pizza，pizza是長方型，個底似是薄的多士，幾特別，份量很大....如果唔係我地下晝食得太飽，都想試一試架。
(The above review is the personal opinion of a user which does not represent OpenRice's point of view.)
Post
