Video
Read full review
2023-01-13
629 views
30/12/2022食完，今日先有空寫下劣評趁學校假期，同姪女入去愉景灣行下影下相一路都影得好開心，點知。。。。。。食飯時就中伏，只怪自己無睇食評就入去。坐低睇咗輪餐牌，心知不妙，因為啲相既賣相話比你知呢間唔係越南餐廳。穩陣啲，叫個香茅豬扒飯，外藉侍應話無豬扒。轉手撕雞湯河，sorry, 無手撕雞。。轉海鮮海蜆紫菜湯河(見佢menu寫住from local market daily), 點知無蜆。。。。外藉侍應建議幫我轉哂做蝦，咁佢都好好禮貌嘅，就要蝦啦。結果。。。。正如其他食評咁講湯底無味雪藏無殼蝦無味整碗粉就好似滾水加河粉加白烚雪藏蝦加一堆香草😭😨 也不見紫菜蹤影。姪女叫咗香煎雞扒撈檬上枱既雞扒係上咗粉漿炸既，絕對唔係煎，而且係凍既。最差係嗰個越南菜靈魂“碌冧” nuoc cham,味道不知所謂，根本只係魚露，得個咸味，完全無調過味。因為沒有做好碌冧，所以另一個小食，炸軟殼蟹米紙卷也大打折扣，令人好失望。睇餐牌，店主標榜新鮮食材，給客人一個“不同”的越南菜用餐經驗。唉！算吧啦，整餐飯最出色的就是兩杯柚子梳打，專心做好一間酒吧算啦!
趁學校假期，同姪女入去愉景灣行下影下相
一路都影得好開心，點知。。。。。。
食飯時就中伏，只怪自己無睇食評就入去。
坐低睇咗輪餐牌，心知不妙，因為啲相既賣相話比你知呢間唔係越南餐廳。
穩陣啲，叫個香茅豬扒飯，外藉侍應話無豬扒。
轉手撕雞湯河，sorry, 無手撕雞。。
轉海鮮海蜆紫菜湯河(見佢menu寫住from local market daily), 點知無蜆。。。。
外藉侍應建議幫我轉哂做蝦，咁佢都好好禮貌嘅，就要蝦啦。
結果。。。。正如其他食評咁講
湯底無味
雪藏無殼蝦無味
整碗粉就好似滾水加河粉加白烚雪藏蝦加一堆香草😭😨 也不見紫菜蹤影。
姪女叫咗香煎雞扒撈檬
上枱既雞扒係上咗粉漿炸既，絕對唔係煎，而且係凍既。
最差係嗰個越南菜靈魂“碌冧” nuoc cham,味道不知所謂，根本只係魚露，得個咸味，完全無調過味。
因為沒有做好碌冧，所以另一個小食，炸軟殼蟹米紙卷也大打折扣，令人好失望。
睇餐牌，店主標榜新鮮食材，給客人一個“不同”的越南菜用餐經驗。
唉！算吧啦，整餐飯最出色的就是兩杯柚子梳打，專心做好一間酒吧算啦!
16 views
0 likes
0 comments
Post
