Baker by Lubuds

Open Now

Now Closed

太古城超人氣麵包店，次次路過都係超級多人，所以一直都冇勇氣去排隊今朝早路過見到冇乜人，問咗店員乜嘢時段係最少人，佢答話係早上呢個時段，又撞啱蛋撻出爐，所以就排咗一陣，但係排隊嘅時候店員係告知到我嘅位置未必會有蛋撻，所以我都係抱住一試嘅心態去排。我見到有機會買到蛋撻嘅係會比派白色紙籌號。而我係冇嘅。到我嘅時候仲有兩個食，所以我就有得買啦 $12.1個酥皮底嘅蛋撻啱啱出爐，熱辣辣酥皮好脆口蛋撻亦好滑唔會過甜，我覺得好味過另一間麵包店。蛋撻係有三個出爐時段分別係9點12點同埋三點。 $18牛角酥排蛋撻嘅時候牛角包係未有嘅，我食完個蛋撻又係見冇乜人再排多次隊。今次有牛角酥，最後三個，我買左兩個不過牛角酥係有再繼續出爐嘅，店員喺廚房嗰度再攞咗兩盤出嚟。呢個牛角酥係我食過最好味嘅，佢保持挺身脹卜卜，佢嘅千層係非常之明顯，咬落去係有蜂巢嘅。包嘅表面係游咗少少糖，所以係少少甜甜地。咁嘅質素係非常高質。