Video
Read full review
2024-11-18
434 views
最近好受歡迎嘅金酒屋，趁住打風諗住無咩人，即刻去試試！但估唔到3號球底下，都依然爆棚，人氣超誇張。▪️金糖盒。海膽三文魚籽日式豆腐（$158)一坐低即刻黎個海膽豆腐開下胃先，大大嚿海膽同埋魚子醬放喺最面，中間係三文魚子，下面就係日式豆腐，而最抵嘅就係棉花糖，成個盒都食得㗎！▪️金龍珠海膽吞拿魚蓉卷（$158)呢個直程係王牌中嘅王牌，用咗海膽吞拿魚蓉同埋別出心裁嘅醃溫泉蛋蛋黃，口感豐滿無比，每啖都可以食到海膽嘅清甜，吞拿魚蓉嘅鮮味，同埋醃製蛋黃嘅蛋香，一定要試下！▪️粟米脆餅壽司·海膽三文魚籽（$138)粟米脆餅好脆好香，簡簡單單用三文魚子同醋飯去吊出海膽嘅鮮味。▪️日式金柑帆立貝刺身（$188)非常特別嘅配搭，用咗清甜嘅金柑去代替平時常用嘅青檸，感覺好清新，反而更加可以品嚐到帆立貝嘅鮮味。▪️桃丼·月見海老拖羅蓉（$168)一放上枱就見到佢氣勢十足，滿滿嘅海老鋪滿整個飯，上面加咗拖羅蓉同埋日本雞蛋，輕輕攪拌撈埋一齊食，係幸福嘅味道。▪️戀丼·月見特厚燒牛舌三文魚籽（$238)期間限定嘅特色丼飯，牛舌燒到鮮嫩無比，香濃嘅牛汁滲透落個飯度，加埋三文魚子同埋雞蛋，唔覺唔覺就食晒一碗。除此之外，金酒屋嘅串
但估唔到3號球底下，都依然爆棚，人氣超誇張。
▪️金糖盒。海膽三文魚籽日式豆腐（$158)
一坐低即刻黎個海膽豆腐開下胃先，大大嚿海膽同埋魚子醬放喺最面，中間係三文魚子，下面就係日式豆腐，而最抵嘅就係棉花糖，成個盒都食得㗎！
▪️金龍珠海膽吞拿魚蓉卷（$158)
呢個直程係王牌中嘅王牌，用咗海膽吞拿魚蓉同埋別出心裁嘅醃溫泉蛋蛋黃，口感豐滿無比，每啖都可以食到海膽嘅清甜，吞拿魚蓉嘅鮮味，同埋醃製蛋黃嘅蛋香，一定要試下！
▪️粟米脆餅壽司·海膽三文魚籽（$138)
粟米脆餅好脆好香，簡簡單單用三文魚子同醋飯去吊出海膽嘅鮮味。
▪️日式金柑帆立貝刺身（$188)
非常特別嘅配搭，用咗清甜嘅金柑去代替平時常用嘅青檸，感覺好清新，反而更加可以品嚐到帆立貝嘅鮮味。
▪️桃丼·月見海老拖羅蓉（$168)
一放上枱就見到佢氣勢十足，滿滿嘅海老鋪滿整個飯，上面加咗拖羅蓉同埋日本雞蛋，輕輕攪拌撈埋一齊食，係幸福嘅味道。
▪️戀丼·月見特厚燒牛舌三文魚籽（$238)
期間限定嘅特色丼飯，牛舌燒到鮮嫩無比，香濃嘅牛汁滲透落個飯度，加埋三文魚子同埋雞蛋，唔覺唔覺就食晒一碗。
除此之外，金酒屋嘅串燒都唔輸蝕，有牛舌心，牛肋肉同埋松板豬頸，其中最特別嘅係自家製雞皮蝦，外皮燒到卜卜脆，中間包住嘅蝦彈牙爽口，鮮甜無比！
▪️自家製雞皮蝦（$58)
▪️厚燒牛舌心（$58)
▪️安格斯牛肋肉（$58)
▪️嚴選松板豬（頸）（$58)
▪️檸檬乳酸梳打（$38)
▪️木村飲料-靜岡柑橘汽水（$48)
Post
