Terrace in seaside (海運大廈)

Open Now

Now Closed

想食fusion韓國菜，哩間餐廳一定係首選，睇到出咗新menu，咁一定要試試啦。成間鋪頭裝修得好INS風，勁適合打卡。人生迷茫的芒果沙冰，送上來好驚喜，有超大一件鮮切芒果。沙冰落咗大量新鮮芒果製作，飲料好smooth芒果味好香。清爽爆汁西柚檸檬蘇打，以西柚汁做底，落咗檸檬同蘇打水，飲落層次豐富好清爽。粒粒魚籽與三文魚蛋黃醬飯卷，自家制蛋黃醬撈埋三文魚碎，鋪滿每件飯卷上。食落醬汁唔會好滯，魚籽加入增添爆珠口感，唔錯。泡菜炒黑毛豬配飯，用韓國辣醬同泡菜爆炒黑毛豬腩肉。逼出豬油油脂，豬油又會嗦曬韓國辣醬滋味。食落酸甜鹹香，全部食曬TIM。芒芒夏日芒果窩夫，窩夫分量好大，一份有3件。窩夫即叫即整，送上來仲好鬆脆，還會搭配埋cream同芒果醬汁，超級好味。