Video
Read full review
2015-11-12
1303 views
早排知道觀塘APM的開左間期間限定的蛋黃哥的主題餐廳，心知一定會好多人，地點又較遠，所以都無諗住去潮聖。到近來原來專食咖哩的Izumi Curry剛好在新都會廣場的分店會改成蛋黃哥主題餐廳，聽到呢個消息真係極其興奮，因為地點十分就腳，而且更說有新餐牌推出，這麼吸引，二話不說便決定搵日放工即刻去。.5:40去到個時都係得一兩個人在門口影相，但餐廳要5:45先開門，所以就先自行在側邊排隊，後期愈黎愈多人，餐廳都成搭十先開門，記住用餐時間係90分鐘，每位最低消費係$40。.一開門梗係未坐滿時左拍右拍，成間店都佈滿晒蛋黃哥，真係好好好可愛呀!! 牆壁上都係蛋黃哥的圖案，桌子成張都有蛋黃哥的花紋，就連餐紙和紙巾都係牠的樣子 (真想問服務員拎一套來收藏呢!)，椅子也套上蛋黃哥椅套，每個座位更有一隻蛋黃哥公主陪住你用餐，整間餐廳都是黃橙色的，身為粉絲的你怎抵擋得住牠的庸懶和可愛呢。.仲有可坐多人的卡位，牆上掛上很多蛋黃哥的照片!!.拍照位置.隔離更有蛋黃哥精品專賣店，款式頗多，不過價錢稍高就是。.先看看餐牌，為這個主題餐廳新推出的蛋黃哥食物，多與「蛋」為主題，每款食物都有牠的樣子，十分盞鬼。咖哩飯、
早排知道觀塘APM的開左間期間限定的蛋黃哥的主題餐廳，心知一定會好多人，地點又較遠，所以都無諗住去潮聖。到近來原來專食咖哩的Izumi Curry剛好在新都會廣場的分店會改成蛋黃哥主題餐廳，聽到呢個消息真係極其興奮，因為地點十分就腳，而且更說有新餐牌推出，這麼吸引，二話不說便決定搵日放工即刻去。.
5:40去到個時都係得一兩個人在門口影相，但餐廳要5:45先開門，所以就先自行在側邊排隊，後期愈黎愈多人，餐廳都成搭十先開門，記住用餐時間係90分鐘，每位最低消費係$40。.
一開門梗係未坐滿時左拍右拍，成間店都佈滿晒蛋黃哥，真係好好好可愛呀!! 牆壁上都係蛋黃哥的圖案，桌子成張都有蛋黃哥的花紋，就連餐紙和紙巾都係牠的樣子 (真想問服務員拎一套來收藏呢!)，椅子也套上蛋黃哥椅套，每個座位更有一隻蛋黃哥公主陪住你用餐，整間餐廳都是黃橙色的，身為粉絲的你怎抵擋得住牠的庸懶和可愛呢。.
仲有可坐多人的卡位，牆上掛上很多蛋黃哥的照片!!.
拍照位置.
隔離更有蛋黃哥精品專賣店，款式頗多，不過價錢稍高就是。.
先看看餐牌，為這個主題餐廳新推出的蛋黃哥食物，多與「蛋」為主題，每款食物都有牠的樣子，十分盞鬼。咖哩飯、烏冬、沙律、日式燒餅，連班尼迪蛋都有；.
另外當然不少得特飲和甜品，唔想額外叫甜品，可以叫一個主食再加$18就有個蛋黃哥奶凍。(記住叫特飲會有蛋黃哥既杯墊的!)
.
餐廳係以點菜紙自行落單形式，用筆在紙上選好後交給服務員就可以。
.
蘋果汁 (跟餐附送)叫一個咖哩系列的飯會附送橙汁或蘋果汁，蘋果汁係似果汁先生隻味道，不過無咁甜。用上印有蛋黃哥可愛模樣的黃色杯子盛著，好想買走隻杯。岩岩新開幕時一隻係$48，而家都有得買，但可惜已經轉左款，圖案無咁可愛，興趣大減，所以可以慳返唔使買了。
.
流心芝士玉子飯
$139
66 views
2 likes
0 comments
叫左個樣好得意既流心芝士玉子飯，用上紫菜將玉子和白飯一起綁住，就好似一件大玉子壽司般，再用上車厘茄、西蘭花和薯仔等增添色彩繽紛，光睇賣相已經夠晒可愛!!
.
大大塊玉子夠軟屬滑溜，入口帶有陣陣蛋香，內裡既係半溶的芝士火腿，白飯配埋底下的咖哩汁同食，好睇又好食。.
天婦羅咖哩烏冬
$89
71 views
4 likes
0 comments
天婦羅咖哩烏冬 $89唔太鍾意食飯的小妹就揀左烏冬，明顯地烏冬只有隻半熟蛋係印左蛋黃哥的樣子，另插上一枝蛋黃哥紙牌，比玉子飯的賣相當然無咁突出。
以濃稠的咖哩汁代替湯底，每條烏冬都沾滿濃濃的咖哩，烏冬入口質地頗滑有彈性，咖哩汁入口係日式風味的甜味咖哩，味道也不錯，裡頭也加了金菇和蔥花等；天婦羅總共有五件，包括三件天婦羅蝦、青椒和茄子，咬落炸粉尚算薄，不過比咖哩汁浸住左，所以大部份都腍晒，較為失色，如果可以將烏冬同天婦羅分開上就更加好。
.
熱香餅配士多啤梨
$69
54 views
1 likes
0 comments
熱香餅配士多啤梨 $69一黎到個樣同餐牌上既好似好唔同，本身見到好似係一塊塊獨立既熱香餅，但黎到時係已經將三塊疊高左做一份鬆餅，中間餡料有忌廉和士多啤梨，另有附上一小杯蜜糖和忌廉。
.
鬆餅切得有點困難，一切下所有配料都跌晒出黎，頗狼狽的。鬆餅入口帶有綠茶的味道，質感似蛋糕且偏乾，味道一般，完全係靠蛋黃哥加分。可以由於轉左新主題關係，人流多左卻人手不足，服務方面幾混亂，賣單賣左好耐，叫左的甜品又遲遲未上，要問左幾次先上左一個，最後都係要取消其中一個，仍有很多改善的地方。
Post
