Video
Read full review
2023-02-19
303 views
同屋企人食飽飯之後又未想返屋企，經過呢間糖水舖，見佢門面乾淨企理同埋都有幾多人幫襯就於試下。由於第一次幫襯，都唔敢叫啲中式糖水，穩穩陣陣叫左個香蕉船跟三球雪糕 (朱古力雪糕，曲奇雪糕同綠茶雪糕)同一個綠茶心太軟跟雲尼拿雪糕，紅豆蓉同幾粒綠茶啫喱⋯⋯香蕉船送上枱嘅時候外表正正常常(好難唔正常吧😅), 點知嗰三個雪糕竟然出奇地無雪糕味兼且起晒冰粒，相信係溶咗雪又再放返入雪櫃 (無限♾️循環？)先會做到呢個效果！雪糕都可以差成咁，我對於個綠茶心太軟都已經無咩期望，但求唔難食就算。 同香蕉船一樣，外表睇落無咩問題，但嗰幾粒綠茶啫喱就一陣油益味而個心太軟就唔熱兼且有啲麵粉味⋯⋯而個雲尼拿雪糕呢？巧合地，同香蕉船上嗰三個雪糕球一樣，都係無味嘅🤣真心講，呢二樣嘢真心難食⋯⋯呢間嘢相信我唔會再幫襯啦！
由於第一次幫襯，都唔敢叫啲中式糖水，穩穩陣陣叫左個香蕉船跟三球雪糕 (朱古力雪糕，曲奇雪糕同綠茶雪糕)同一個綠茶心太軟跟雲尼拿雪糕，紅豆蓉同幾粒綠茶啫喱⋯⋯
香蕉船送上枱嘅時候外表正正常常(好難唔正常吧😅), 點知嗰三個雪糕竟然出奇地無雪糕味兼且起晒冰粒，相信係溶咗雪又再放返入雪櫃 (無限♾️循環？)先會做到呢個效果！
雪糕都可以差成咁，我對於個綠茶心太軟都已經無咩期望，但求唔難食就算。 同香蕉船一樣，外表睇落無咩問題，但嗰幾粒綠茶啫喱就一陣油益味而個心太軟就唔熱兼且有啲麵粉味⋯⋯而個雲尼拿雪糕呢？巧合地，同香蕉船上嗰三個雪糕球一樣，都係無味嘅🤣
真心講，呢二樣嘢真心難食⋯⋯呢間嘢相信我唔會再幫襯啦！
Post