八月甜品屋

Open Now

Now Closed

上水．甜品我諗唔少上水街坊都食過，污嘴狗大推心太軟啊😍😍真係正到喊！𝑭𝑶𝑶𝑫𝑺1〉炸一口雞 $26 （推薦🌟）肉質嫩滑，口感一流，食到唔想停口，份量足夠，對得住個價錢2〉椒鹽炸燒賣 $25一份6粒～燒賣有點淋，味道一般偏淡，感覺如果轉做實啲嘅燒賣會更好口感～-𝑫𝑬𝑺𝑺𝑬𝑹𝑻3〉朱古力心太軟＋士多啤梨雪糕 $55 （大推薦🌟）超級大推！朱古力味好濃，偏少少黑朱古力但唔係好甜，配埋自己喜歡味道嘅雪糕食落去成個口感好Match，但真心建議唔好揀士多啤梨雪糕，唔係好夾而且士多啤梨味好淡，會改變個整體感覺4〉黃金島＋曲奇雪糕 $55窩夫嚟講少少失望，圖文不符，每樣嘢嘅擺位好似獨立分開左咁，薄身嘢窩夫食落去較脆但冇咗平時食開個厚感，味道就不過不失啦，如果可以配返多啲醬汁就會更好5〉黑森林 $50綿綿冰都唔錯，份量都大碟，朱古力味都有，而且食落去入邊會有啲朱古力碎增加咗食嘅口感，但食左心太軟你就會覺得綿綿冰味道偏淡，唔建議一齊食～-環境．8/10服務．7/10人均．$50-70污嘴狗覓食指數．8.5/10#污嘴狗 #hkfoodie #hkfood #food #hkig #instafood #f

今次去左上水食一間甜品鋪🍮伯爵波波池 $52入面都幾多料，有伯爵茶凍、珍珠、小丸子、紅豆同曲奇雪糕🍪🍦伯爵茶凍都幾香伯爵茶味😆其他野都正正常常雞蛋🥚布甸燒仙草 $50個雞蛋🥚布甸好香雞蛋味😆仲有啲椰果、芒果🥭同仙草份量都好足，芒果🥭可能未當造，未算好甜，整體都唔錯食完之後發現咁多負評🤔但我食呢兩個甜品我又覺得唔差喎，價錢又合理，都叫足料，選擇都多，員工態度都ok呀🤔我覺得都可以再試呀😀

第一次食係2年前巳經覺好難食，今次食係因為無得選擇所以焗住再試多次，員工態度依然係咁差，好簡單既中式糖水芝麻糊同合桃露係完全無味，粉裝即沖好食過佢，叫左兩個椰皇都係好一般，正常落單不論外賣同堂食如果要等得耐都應該要同客人講聲，我地叫外賣當時當時亦無講要幾耐，我地做客正常都唔會問要等幾耐，之後等左10幾分鐘開始問員工，問親員工不停話等多一陣，最後捉捉等左35分鐘！！發覺佢地比曬堂食先 ，同員工反映點解當時落單完全唔講聲，員工係完全唔理人！一定唔會再幫襯，差差差差。。。。

見另一間冇開，就去呢間嗌外賣試下啦，份量係好少既，我叫左個F5食啦 豆腐花既份量，佢份量比起百x山x細兜既仲要係少d，碌柚基本係得幾粒係到，芒果又係幾粒，芒果味係好少既，比多兩滴芒果醬，整下色整下水起碼都呃到人啦，貴唔係問題，但係要比返咁上下既質素比人，質素又一般 量又少，冇咩值得人讚既地方，食呢間，我真係寧願去食鮮x仙都冇咁嬲，起碼個外賣兜都份量多d啦 呢間未伏過既 可以去試伏，但係我會講 可一不可再！伏

上次黎食朱古力味覺得好好食，今次係第二次黎再食芒果拿破崙，，芒果好甜，依然都係咁好味，個cream都唔錯，等左唔係好耐，推薦，中午黎食唔洗等位，款式多，下次會試其他款！

晚上8點幾，入店座位多，唔算多客。點左個menu無，但QR code menu有既芋圓椰皇蛋白試下。等左足足25分鐘，但蒸返熱都唔洗等咁耐嘛？每次出椰皇都係俾其他客，追問一下話整緊。上枱原來係凍既，咁即係漏單先真啦😩喺雪櫃拎岀黎加toppings，都要等咁耐。椰皇無味，芋圓無味（純粉團），蛋白質感都好一般完全令人失望嘅一個甜品。份量細，但都食唔落了😖呢個價錢絕對有其他更好既選擇就算附近無糖水鋪，都絕不會再幫襯此店了

用熊貓外賣嗌杯哈密瓜汁31蚊完全冇哈密瓜味好似溝咗勁多水咁用飲筒飲飲上嚟近乎透明其實都明知外面食實溝水同糖但係真係太過份西瓜汁又係好似溝水咁西瓜西米露得四到五粒西瓜，西米又唔多，好稀超級伏超級伏超級伏我經熊貓去嗌外賣 已經即刻同平台投訴

一直食開隔離糖水鋪 但星期二隔離無開就膽粗粗試一試附近呢間八月甜品屋第一 自己一直好中意食蒜辣雞翼尖 係中意到自己會係屋企煮一大煲慢慢食嘅人 所以見呢到都有就按常理試一試 送到嚟比隔離糖水鋪份量小不得至 仲要完全唔入味 係勁差 超級差 好似直升機咁伏伏伏吖…第二 平時去到其他糖水鋪都會嗌多芒小丸子嚟 食 所以亦都係呢到嗌咗嚟食 盛惠45蚊 送到過嚟份量小都唔緊要 佢個芒果雪糕係勁難食 一陣膠味 最後要畢佢出嚟先叫做可以食到個糖水…太伏啦…唔建議大家嚟試 性價比低 野又唔好食 差評

同屋企人食飽飯之後又未想返屋企，經過呢間糖水舖，見佢門面乾淨企理同埋都有幾多人幫襯就於試下。由於第一次幫襯，都唔敢叫啲中式糖水，穩穩陣陣叫左個香蕉船跟三球雪糕 (朱古力雪糕，曲奇雪糕同綠茶雪糕)同一個綠茶心太軟跟雲尼拿雪糕，紅豆蓉同幾粒綠茶啫喱⋯⋯香蕉船送上枱嘅時候外表正正常常(好難唔正常吧😅), 點知嗰三個雪糕竟然出奇地無雪糕味兼且起晒冰粒，相信係溶咗雪又再放返入雪櫃 (無限♾️循環？)先會做到呢個效果！雪糕都可以差成咁，我對於個綠茶心太軟都已經無咩期望，但求唔難食就算。 同香蕉船一樣，外表睇落無咩問題，但嗰幾粒綠茶啫喱就一陣油益味而個心太軟就唔熱兼且有啲麵粉味⋯⋯而個雲尼拿雪糕呢？巧合地，同香蕉船上嗰三個雪糕球一樣，都係無味嘅🤣真心講，呢二樣嘢真心難食⋯⋯呢間嘢相信我唔會再幫襯啦！

我頭先20:55 已經坐低咗 之後見到啲職員好忙，仲有小朋友幫手 ，佢哋比漏咗QR code落單我都已經係自己行出去counter落單，然後佢哋交俾個小朋友做嘅，小朋友整咗幾分鐘先落到單，等咗20分鐘左右 ，我有禮貌地請個粉紅色衫，染頭髮嘅女人幫我睇吓有冇成功落單，我話等咗差唔多半小時啦，之後佢態度勁差同大聲話邊有半個鐘，我當然同返佢講話係指差唔多。最後係等咗接近40分鐘先至食到糖水仲要受氣，勸大家不要被裝修呃到，糖水嘅味道同之前食過仲有我認知中嘅差好遠！

2303落單嗌2碗薑汁芋圓湯圓 $40 各加$8轉芝麻/花生湯圓共$48一碗 等得耐都算估唔到可以一碗有芋圓一碗冇芋圓同區糖水舖薑汁湯圓（有得簡芝麻/花生）都只係廿幾蚊呢間多幾粒芋圓就要成$40真係好難再比機會

人都癲。上次叫外賣平台佢已經打嚟話冇綠豆沙叫我轉。今次仲衰，叫5樣嘢外賣，先打嚟話西米露冇香芋，我食西米露9成為咗香芋，佢就咁話轉多紫薯俾我。當餵豬咁。都唔想嘥口水同佢講。求其啦。跟手再打嚟話漏咗我個百香果特飲。就咁話下次補返俾我！冇問我意見亦冇俾選擇。黐線，以後唔會再叫呢間嘢。叫外賣已經俾貴咗仲要俾運費，佢咁搞法我叫樓下麥當當仲冇咁谷氣。咁樣做生意不如佢叫大家直捐錢俾佢啦：（ 嗰頭大把出色又有心嘅甜品舖

想喺上水食甜品，隔離果檔太多人排，唯有轉移陣地，見到呢間勁多空位：知我乜料啦。通常嚟到糖水鋪望住份menu都好15 16 ，好多都想試….唔知揀邊個好….而我真係第一次真真正正陷入苦惱，揀唔落手，個個望落去都伏味濃咁最後叫咗個最正路最唔伏嘅楊芝甘露…..其實真係唔好食，好死甜之餘又冇乜芒果味。又唔係話難食到食唔落果隻，不過重點係呢個價錢真係大把選擇，如果真係想食甜品建議一班人去ok或者7仔買雪糕食會開心好L多。注意有低消，每人要叫一樣野食/野飲

食糖水真係唔可以揀人少嘅舖頭🤦🏽‍♀️🤦🏽‍♀️就係貪佢唔使排隊😵‍💫諗住快快脆脆食完可以走點知就中伏🤯🤯🤯見佢個環境正正常常坐入去都算舒服嘅，諗住叫侍應落單，佢就叫我哋用電話自己落，結果落完呢樣又話冇，果樣又話冇，嘥氣😑😑😑仲要態度勁差，最終叫咗兩個一個招牌芋圓，一個椰汁紫米露結果招牌芋圓正正常常，但就唔夠凍想叫佢加幾粒冰，結果佢就自把自為加咗冰奶😵😵我哋真係O晒咀😵‍💫😵‍💫第二個就係椰汁紫米露完全唔係嗰回事，黎到成碗都係泡，勁核突好似嘔吐物咁🤮🤮完全冇食慾😤仲要明明係叫椰汁紫米露，結果西米仲多過紫米，我問個職員，係咪黎錯咗，佢話冇黎錯，話紫米露係咁，之後就冇理我走咗啦😩😩😩我想講我真係從未食過咁難食嘅紫米露🤦🏽‍♀️🤦🏽‍♀️同埋明明紫米露就唔係咁嘅😩😩絕對冇下次😤😤都唔希望有人再中伏

門面十分亂餐牌有既甜品同小食 落左單先話無重點係條女個態度好差比氣人受咁既態度十分惡劣不停走過嚟話人頭叫各一問題係點左餐 要乜無乜。。。成件事真係好。。。誤導食客應該比餐牌前提醒食客小食十分難食，食過你就知道，唔好浪費錢