326
34
35
Restaurant: Sabatini Ristorante Italiano
Offer: Dine and earn miles at this Cathay partner restaurant !
Dine at partner restaurants and earn up to HKD4 = 2 miles as a Cathay member. T&C apply.
Terms & Details:
  • Asia Miles can be earned on eligible transactions of up to HKD10,000.
  • Cathay members can earn HKD 4 = 1 mile when dining at Cathay partner restaurants. Standard Chartered Cathay Mastercard® holders can earn an additional HKD 4 = 1 dining rewards when they pay with their card, for a total of HKD 4 = 2 miles.
  • Asia Miles earned are based on the total amount spent including service charges, taxes and tips.
  • Asia Miles may not be earned on certain promotional menus. Please check with individual partner restaurants prior to dining.
  • Asia Miles will be credited to members’ accounts 10 working days after each eligible dining transaction.
Other Cathay Terms & Conditions apply.
Level4
4K
241
超值且跡近完美嘅semi buffet..
2007-12-18 41 views
跟太座講咗跡近成年，終於响臨近聖誕佳節，可以一嘗呢間意菜名店嘅sunday antipesto buffet...作為一個美食愛好者，一想起今次只係首先品嚐，實在太慚愧...聽得太多朋友話佢哋嘅sunday antipesto buffet如何精彩，實在有太高嘅期望。所以直頭打算取消平安夜嘅celebration dinner，當呢餐慶祝埋...一入門口，一大堆antipesto已經响度等緊你--- grilled eggplant、紅青甜椒、魷魚carpaccio等等。還有蒜粒蝦蛄、大蝦及小龍蝦；當然唔少得佢哋省招牌嘅parma ham with melon...試想想，平時單叫一碟sliced parma ham with melon都要HK$238，家陣鐘意食幾多都得，水準一樣出色。簡直係人生一大美事..^0^坐低，先跟太座order sparkling wine。不停地refill，喝得不亦樂乎；再吃一口grissini，然後開始出去獵食...差不多每款antipesto都有試一口。當中自己反而最欣賞最平凡嘅青紅甜椒，味道相當的清甜；其次就係西班牙式蛋卷tortilla，香甜之
Read full review
跟太座講咗跡近成年，終於响臨近聖誕佳節，可以一嘗呢間意菜名店嘅sunday antipesto buffet...

作為一個美食愛好者，一想起今次只係首先品嚐，實在太慚愧...

聽得太多朋友話佢哋嘅sunday antipesto buffet如何精彩，實在有太高嘅期望。所以直頭打算取消平安夜嘅celebration dinner，當呢餐慶祝埋...

一入門口，一大堆antipesto已經响度等緊你--- grilled eggplant、紅青甜椒、魷魚carpaccio等等。還有蒜粒蝦蛄、大蝦及小龍蝦；當然唔少得佢哋省招牌嘅parma ham with melon...

試想想，平時單叫一碟sliced parma ham with melon都要HK$238，家陣鐘意食幾多都得，水準一樣出色。簡直係人生一大美事..^0^

坐低，先跟太座order sparkling wine。不停地refill，喝得不亦樂乎；再吃一口grissini，然後開始出去獵食...

差不多每款antipesto都有試一口。當中自己反而最欣賞最平凡嘅青紅甜椒，味道相當的清甜；其次就係西班牙式蛋卷tortilla，香甜之餘蛋味濃，跟响toscana食到嘅各有千秋....

海鮮類以小龍蝦較好，勝在多膏肉厚，但肉質較粗糙，比較飽肚，只能淺嘗；蝦蛄及大蝦則無甚特別...

parma ham肥瘦有致，跟melon配食，一鹹一甜，絕配...但當然亦只可淺嘗，正所謂小食多滋味ma...

除了antipesto外，亦有兩款pasta (spaghetti及penne)可作side order，且無限供應。配料有美國牛扒、魷魚、BB salmon及大蝦等。一吃，炭火味十足，太座食得極高興。牛扒淰糯，火喉亦剛好；魷魚絕無擦膠feel；大蝦亦鮮甜。食食下聽見鄰座客人稍嫌炭味蓋過應有嘅肉味。於自己嚟講，正所謂各花入各眼，人嘅口味各有不同而已...

食飽antipesto，主菜跟住就嚟。太太一見到有duck liver，即叫；自己就選擇食羊架，放棄咗原本想叫嘅linguine alla sabatini..

duck liver有兩大片，切得夠厚身，口感豐腴，有鴨獨特嘅膻香，亦冇乜"根"，但略嫌表面煎得不夠脆口，其中一片吃落亦有少許苦味，不過已可滿足太座呢個"肝"迷嘅慾望...

羊架例牌要五成熟。肉質夠tender，膻味點到即止，但好奇怪，跟duck liver一樣，兩塊羊架水準有點不平均--- 一塊煎得火喉剛好，另一塊卻係有D overdone，表皮亦冇微脆感覺。怪不得身旁有位熟客將佢碟羊架打回頭，難得廚房亦好樂意再做，且不停走出嚟問意見，實在值得一讚...

卒之食到甜品。tiramisu呢個鎮店之寶依舊出色--- 酒味濃，mascarpone cheese夠滑，跟响fine foods食到嘅一模一樣，仲要不停refill，正；其他意式甜品如panna cotta、puddings等當然亦有供應。但最特別嘅係連經典法式甜品如floating island及Saint Honore都有得食。試了一件Saint Honore，cream份量極多，底層酥皮脆口，伴埋cream puff而食，相當特別。太座吃後大讚....

飲埋coffee and tea，食到個人呆吓呆吓咁，太飽嘞。見到太座嗰個"飽"樣，都唔知好嬲定好笑


連加一HK$490每人，但antipesto、pasta及dessert任食，再加sparkling wine任飲，點可能咁超值?

service一流；環境屬smart casual，又冇特別嘅dressing code，唔似响toscana食得咁拘謹，較適合小弟...

若果要食semi或類似brunch buffet，呢度一定係全港頭三位之選...

259 views
0 likes
0 comments
312 views
0 likes
0 comments
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
Post
DETAILED RATING
Taste
Decor
Service
Hygiene
Value
Spending Per Head
$490