哥登堡餐廳

Open Now

Now Closed

上星期到土瓜灣做野，之後同同事喺附近搵食，見到哥登堡餐廳門口嘅餐牌，午市套餐好平，大約$45至$48，超值鐵板餐套餐$75，另外有一個鐵板套餐$120，下午茶時段仲平。哥登堡餐廳係一間舊式西餐廳，我好耐冇食過舊式嘅鐵板餐，所以入去試吓。裡面裝飾好古舊，係傳統嘅港式西餐廳。我哋點左以下套餐： 鐵板套餐牛扒$120，相對起佢哋好平嘅午餐，我係期望$120嘅鐵板餐一樣超值，可惜，無驚喜，牛扒尚算腍身，但冇乜牛味，好彩有佢個黑椒汁調吓味。吉列豬扒配楊州炒飯$45， 吉列豬扒係幾好食，但係個楊州炒飯就唔係咁掂，求求其其，當然一分錢一分貨，唔可以要求太高。 羅宋湯係一般港式西餐廳嘅味道，係我鍾意嘅味道，所以我覺得好飲。另外佢哋啲套餐可以選擇紅豆冰唔使加錢，如果無乜要求，喺香港能夠用$45-$50 嘅價錢食到咁多野真係好抵，好過去快餐店食啲一早煮好嘅食物。