厚福館 (黃埔天地) (Closed)

見到4人火鍋套餐可以有咁多食物，仲有最豪華嘅金箔龍蝦刺身，都只不過係$2288，由訂位到用餐呢段時間，不禁滿懷期待！餐前小食涼拌海蜇頭，海蜇爽口。海鮮主食因為海膽缺貨改為生蠔，味道還可以，不過肉身很薄；另有海鮮三選二，選了龍蝦刺身、雞油花雕蛋白蒸水晶蟹拌烏冬，龍蝦鮮甜彈牙，而烏冬吸收咗蟹羔同蟹汁嘅精華，好好味！火鍋湯底選了佛跳牆，個湯頭好甜呀！其他食物有七樣火鍋配料另加麵食、北海道卷蛋為甜品，不過炒龍蝦頭抓要另加$100（火鍋就不用加錢），個人覺得唔炒都得，冇乜肉食，反正個餐都咁多嘢食！封門柳不韌且牛味濃郁，西班牙黑毛豬肋條又係有驚喜，比封門柳更好味！以這個價錢可以品嘗15樣食物，真係好超值！另外一定要點天下第一刀，不包括在套餐內，是豬頸背即向天的部位，肉味好濃好甜，好好味！