南記粉麵 (Moved) New Location

是日晚餐去咗食南記，平時我都係輕食碗米粉加春卷，今晚有D餓，排隊時仲未知食乜，見佢個A套餐好似幾ok 於是叫咗個招牌滋選，裏面有招牌辣豬肉、招牌春卷、魚片同冬菇，仲有湯底可以揀，我叫咗兩個一個麻辣湯底另一個係蕃茄湯跟米粉，連埋餐飲都係$56，再加多個韮菜。等咗約5分鐘，碗米粉到啦，份量十足，裡面有二條春卷、三片魚片、二件片頭、二件冬菇、仲有幾片辣豬肉片，我食個碗係麻辣湯，麻味唔夠不過辣味好濃，好夠味，但食完好口渴。