牛牛日式火鍋放題 (海之戀商場) (Closed)

早排經過海之戀，見到店外好多人排隊，即刻上網睇下，原來係荃灣好熱門既日式火鍋放題🔥，立即行動call埋老公一齊食。我地揀左level 3既 丹麥王樣餐，可以任叫85樣食物🤩。1️⃣前菜：明太子水果青瓜🥒青瓜爽脆多汁，配埋明太子醬微辣，好惹味。2️⃣揚物：豚肉餃子🥟豚肉餃子煎得香口惹未，豚肉嫩滑多汁，食完再叫多兩牒。3️⃣️鍋肴：明太子墨魚滑、日本年糕片🦑墨魚滑好滑溜，又帶有濃濃既墨魚味，放落火鍋超級好味。年糕軟得來有彈性，好好味！4️⃣麵食： 稻庭真打烏冬🍜爽口彈牙，滑而不爛，軟而不易斷。5️⃣火鍋肉：牛胸腹、丹麥豚腩肉🥩牛胸腹油膩得嚟味帶鮮甜，同火鍋好夾！🥓豚腩肉香而不膻，豬肉味濃！6️⃣湯底：藥膳麻辣鍋🍲味道好吸引，辣中帶麻，麻中帶藥膳既香味，配埋肉類一齊食好夾！總括嚟講每人三百幾蚊有得食高質食材放題火鍋，超值👍🏻！店員又爽，食物又好味，下次約埋朋友再嚟！