麵皇自家麵

Open Now

Now Closed

作為麵皇既常客之一，我認為呢家餐廳既服務同食品質素都幾乎無得彈。我通常都會叫薄切羊肉或雜菌麵，麵條我選過粗，幼，中，麻辣，酸麻或酸辣湯底。先講麵，麵條既優質係我到宜家仲系度食緊既主要原因。不論粗幼，麵條皆彈牙爽滑，有品質保證，令人回味無窮。講返先，我係一個愛麵之人，對麵條既味道口感好講究。坊間得佢一間可以咁打動到我，所以絕對值得一試！其次，湯底香濃，但又唔會好似譚仔D湯底咁過火同咁膠，麻酸辣味係足夠既。食材方面，新鮮同好足料，仲會送埋幾大條生菜，令人食得飽飽，精神抖擻。呢度簡直係人間天堂！另外，佢會免費供應凍水同紙巾，有時可以自己響隔離攞，佢都唔介意。服務員態度友善，即使係繁忙時間，餐廳滿曬人，佢哋都會好照顧每位顧客。做嘢好有效率，等上菜最耐都只係十分鐘。惟一既唔好就係辣味好不一，有時中辣仲辣過大辣或超辣。