Video
Read full review
2016-09-27
838 views
今日同朋友食飯，鐘意食日本野的我看到這間店，深色的牆身有個好大的松字，在openrice看到相片和食評都吾錯喎，今次決定過來試下先～今次同朋友就試左這店的omakase。。。大談到差不多3個鐘，師父超好又窩心（都靚仔，同佢講佢乾笑…哈哈，食omakase好處係可以直接同師父傾下野食同睇下佢點整），比左好新鮮又甜美的刺身壽司給我地，我地食得超飽添，每人大約＄1000都合理價…因為其他店的omakase以咁多海鮮黎講一定吾止這價錢。刺身類：鮫鰼魚薄切再有一個加酸汁…少少酸再加上魚的獨特香味好特別。帶子厚肉又香口，解雪得十分好。油甘魚和深海池魚厚肉又有魚油香。厚岸蠔食落好creamy又厚身而且十分爽口，正！～太刀魚面有少少燒左感覺，食落有少少魚油和魚香再重點不錯。鰹魚，而醬汁係蒜茸豉油，魚質比較淋身，可能因為比較腥，所以用豉油令到比較易入口，但我就覺得咸味偏重。拖羅用粒切，十分好厚又好有魚油香，原來切粒係可以咁好味道。師父話食一食熱食先！～豚肉燒味道我覺剛剛好喎，但肉質比我心目中硬左少少，如果有個面或飯送就一流。汁燒白貝，白貝厚身再加上清新的青檸味，酸再上海鮮甜正！～之後又到壽司時間…最期待
今次同朋友就試左這店的omakase。。。大談到差不多3個鐘，師父超好又窩心（都靚仔，同佢講佢乾笑…哈哈，食omakase好處係可以直接同師父傾下野食同睇下佢點整），比左好新鮮又甜美的刺身壽司給我地，我地食得超飽添，每人大約＄1000都合理價…因為其他店的omakase以咁多海鮮黎講一定吾止這價錢。
刺身類：鮫鰼魚薄切再有一個加酸汁…少少酸再加上魚的獨特香味好特別。帶子厚肉又香口，解雪得十分好。油甘魚和深海池魚厚肉又有魚油香。厚岸蠔食落好creamy又厚身而且十分爽口，正！～太刀魚面有少少燒左感覺，食落有少少魚油和魚香再重點不錯。鰹魚，而醬汁係蒜茸豉油，魚質比較淋身，可能因為比較腥，所以用豉油令到比較易入口，但我就覺得咸味偏重。拖羅用粒切，十分好厚又好有魚油香，原來切粒係可以咁好味道。
師父話食一食熱食先！～豚肉燒味道我覺剛剛好喎，但肉質比我心目中硬左少少，如果有個面或飯送就一流。汁燒白貝，白貝厚身再加上清新的青檸味，酸再上海鮮甜正！～
之後又到壽司時間…最期待！～全部壽司的飯醋剛好又按得細細舊同軟熟吾會好實，口感好好。牡丹蝦好厚肉又脆口又甜好驚喜好味。平政魚，係我最愛，肉質夠厚而充滿魚油，出面好少地方有得食，我係每次食omakase先食到。
秋刀魚我都比較少吃，口感都幾特別喎。螺片大片又脆…少可有咁好味道。燒拖羅比就咁拖羅再增加多點魚香和燒燶香，肉質又夠厚，上面燶而入面仲保持到刺身軟熟不錯。海膽一口食，成口全係海膽好滿足，好香又吾腥，而朋友就拿少少咁食再一口食，原來海膽係有2層咁多，怪不知得啦。
最後仲有個湯：蜆面豉湯..超大隻蜆又新鮮又滑，最鐘意這裡的面豉湯完全吾咸好味道。
甜品有雪糕同哈蜜瓜，食到咁飽當然食生果啦，又甜又多汁，完全可以為這個晚餐作為一個完美句號！～
Post
