丼道 (上水廣場)

Open Now

Now Closed

今次呢間餐廳真係好正，話說今晚同媽媽去左上水廣場3樓嘅丼道食日本野，延續去日本個鋪癮，味道同質素不失喺日本當地食。價錢仲要好抵，唔會貴過深圳。晚市加定食都只係百零蚊，有齊哂刺身、烏冬、照燒雞扒丼、炸物同埋飲品和麵豉湯，仲要加埋雪糕添，抵到不得了。顧名思義當到梗係要試下佢嘅丼飯啦，佢用個隻珍珠米好有飯香，而且粒粒都晶瑩剔透彈牙，照燒雞扒皮脆而肉軟淋，老人家食都讚不絕口，配埋個超鮮味湯烏冬加埋小食真係一流。跟餐嘅刺身仲有一隻大嘅赤海蝦，非常新鮮，平時一份今日刺身喺其他壽司舖叫都要成100蚊。我地點左綠茶雪糕茶味好濃郁亦都好香滑雪糕筒都好脆個餅底好味，非常性價比極高嘅一餐飯。小食嘅打生蠔香脆而且入邊好多汁，鮮嫩無比，食到唔想停。炸餃子就係正宗嘅日本菜肉餃子，皮薄餡靚。呢間裝到真係樣樣都好食。如果要講性價比真係有100分。原來裝個APP仲有會員優惠，哩個價錢簡直係家常便飯價錢，一定會再嚟又再嚟過。