醉辣鮮 (天空之城)

Open Now

Now Closed

今日朋友帶路嚟到錦田食好西。就係食蒸汽海鮮套餐，2 人套餐價$198 ，包括有 ：鮑魚，生蠔，元貝，聖子每人1 隻，海蝦每人2 隻，花甲及蜆1 份，底部預放豬骨粥底。另外設有任取蔬菜醬油自助區，飲料每人免費 1 罐，需要可自費添飲。此餐可加＄升級加龍蝦或蟹，亦有其他套餐可供選擇。因店舖門口設有海鮮養池仼人客自取海鮮，適合一家大小互動。可以自己親手撈活海鲜，然后有師傅即場清潔處理再上枱，超爽。餐廳有提示教人客蒸食物時間，用餐時間 3小時。每枱還附送有老火燉湯，溫泉蛋，蟲草蒸雞，甜品各1 份。店員細心有禮，除幫助人員蒸煮海，更建議勿浪費可帶走粥。現場更設有live band定時表演，十分有氣氛。