Video
Read full review
2024-10-03
699 views
勁勁勁滿足嘅一餐！打邊爐除咗湯底最緊要足料！鮑魚、帶子、大大隻蠔、封門柳、象拔蚌刺身.....太多嘢食都講唔晒，依家原來係16年老店，專做熟客街坊生意，現場氣氛非常熱鬧，店員老闆都好熱情，今次食咗：🐮象拔蚌肥牛二人海鮮套餐（HK$688）鍋底：生拆蟹肉海鮮套餐入面有晒咁多嘢食，好誇張！湯底方面：裏面加咗新鮮嘅大蝦同沙白蜆，師傅用腐皮包住不同類型嘅食材，拆咗腐皮之後，就可以夾起「腐皮瀑布」，仲有蟹柳、素翅、蘿蔔、雞腳......呢個就係百搭湯底，大蝦充滿海鮮精華，咸鮮味香濃配咩都好食！🩷生猛象拔蚌刺身（例）象拔蚌刺身好新鮮，呈現象牙白色澤，質素拍得住我平時去日式餐廳，每片厚薄均勻口感爽脆，肉質軟滑，正！🤎冰鎮鮑魚2隻優質嘅貴價食材都包埋喺個餐度，冰鎮鮑魚我哋直接食，鮑魚勁爽口，調味恰當，一啖一口好滋味，食完都會回味！🩷🐃手切封門柳「真係有成隻牛喺度！」🐃上枱嘅時候都嚇一跳，封門柳屬於「牛橫膈膜肌肉」的部位，一望到牛肉雪花分布，就知道喺優質貨色， 呢款牛肉油脂唔算好多，但係肉味香濃，打邊爐淥兩下就食得，牛魔王一定會好鍾意！海鮮🩷元貝2隻🩵廣島蠔2隻用料都幾優質，兩款都大大隻，鮮味十足，特別
打邊爐除咗湯底最緊要足料！鮑魚、帶子、大大隻蠔、封門柳、象拔蚌刺身.....太多嘢食都講唔晒，依家原來係16年老店，專做熟客街坊生意，現場氣氛非常熱鬧，店員老闆都好熱情，今次食咗：
🐮象拔蚌肥牛二人海鮮套餐（HK$688）
鍋底：生拆蟹肉海鮮
套餐入面有晒咁多嘢食，好誇張！
湯底方面：裏面加咗新鮮嘅大蝦同沙白蜆，師傅用腐皮包住不同類型嘅食材，拆咗腐皮之後，就可以夾起「腐皮瀑布」，仲有蟹柳、素翅、蘿蔔、雞腳......呢個就係百搭湯底，大蝦充滿海鮮精華，咸鮮味香濃配咩都好食！
🩷生猛象拔蚌刺身（例）
象拔蚌刺身好新鮮，呈現象牙白色澤，質素拍得住我平時去日式餐廳，每片厚薄均勻口感爽脆，肉質軟滑，正！
🤎冰鎮鮑魚2隻
優質嘅貴價食材都包埋喺個餐度，冰鎮鮑魚我哋直接食，鮑魚勁爽口，調味恰當，一啖一口好滋味，食完都會回味！
🩷🐃手切封門柳
「真係有成隻牛喺度！」🐃
上枱嘅時候都嚇一跳，封門柳屬於「牛橫膈膜肌肉」的部位，一望到牛肉雪花分布，就知道喺優質貨色， 呢款牛肉油脂唔算好多，但係肉味香濃，打邊爐淥兩下就食得，牛魔王一定會好鍾意！
海鮮
🩷元貝2隻🩵廣島蠔2隻
用料都幾優質，兩款都大大隻，鮮味十足，特別鍾意食廣島蠔，肥美脹卜卜！
🤍養顏花膠
超級大份嘅花膠，加入湯底熬至軟腍腍，口感好豐富，吸收晒湯底精華超正！
🤍手打墨魚丸4粒
入面蘊含粒粒墨魚粒，爽口彈牙！
🥟雲吞拼水餃各兩粒
雲吞水餃屬於新鮮餃子🥟，雲吞係雲吞店質素，唔係冰鮮貨色，食落去特別好味！
已經食到好飽，原來仲有蔬菜🥬烏冬！
✨海鮮新鮮食材優質，價錢親民街坊價，老闆勁好人熱情招待，仲問我哋食唔食糖水！？
Post
