Pizzeria Italia (高街)

Open Now

Now Closed

如果你鍾意地道嘅意大利菜，又想喺舒適嘅環境中享受精緻美食，呢個 468 二人餐會係你嘅不二之選👍🏻 呢餐不但菜式選擇豐富，由小食拼盤到甜品，都yummy! 先有小食拼盤，炸新鮮魷魚🦑，炸得香脆，搭配少許檸檬汁。炸漿輕盈，完全無油膩感，非常適合作為開胃小食。自製雞肉炸丸子口感等別。內裡肉質鮮嫩，仲帶有淡淡嘅香草味🌿烤麵包配自製番茄莎莎醬，酸甜平衡，清爽又開胃。煙三文魚配酸豆，再加上少許檸檬汁提味，味道清新。特級橄欖油朝鮮薊，朝鮮薊經橄欖油醃製後，帶有獨特嘅清香，同時口感柔和，係一道非常有地道意大利風味嘅冷盤。橄欖多士香脆。 薄餅選咗經典嘅 Italia Pizza，餡料豐富，包括白菌、香腸、意大利辣腸同青椒。薄餅底香脆而唔會過厚。辣腸微辣惹味。另外，雜錦海鮮意粉配白酒汁。意粉煮得剛剛好，保持住意大利面嘅煙韌口感，配埋濃郁嘅白酒汁，味道鮮甜清香。海鮮選料豐富，包括蝦🦐、青口同魷魚。餐後甜品係經典嘅tiramisu，tiramisu嘅質感綿密，咖啡同可可嘅香氣濃郁，甜度恰到好處，仲帶有淡淡嘅酒香。