Video
Read full review
2020-09-23
309 views
有一日路經太子，突然好想食米線，仲要有黃店，梗係要入去支持下啦。老闆娘好熱情，會同你傾吓計。點左冬菇，腩肉同牛柏葉，麻辣寬薯粉。啲餸嘅份量都好夠多同入味。麻辣薯粉最緊要就係個湯底，我個人比較鍾意食比較麻嘅湯，而呢一間就做到啦！麻未比較勁，辣味都好夠喉！薯粉都煮得啱啱好，因為自己試過係屋企煮寬薯粉，所以知道煮呢啲寬粉真係好需要時間同埋好不容易。最最最最後介紹嘅係，令我印象深刻嘅凍檸茶！雖然我唔係好識形容，唔知係咪飲開嘅凍檸茶都係差唔多款，所以冇乜太大嘅期待。但係嗰日飲果杯，唔知係個檸檬特別新鮮定係點樣呢？杯凍檸茶真係好好飲，有一陣好香嘅茶味同埋好新鮮嘅檸檬味。起初我以為自己太誇張，然後比朋友試飲一啖，朋友都覺得係有啲特別~ 所以可以試吓過去叫佢個檸檬茶，不過唔知係咪咁啱我哋嗰日好彩呢？
點左冬菇，腩肉同牛柏葉，麻辣寬薯粉。
啲餸嘅份量都好夠多同入味。
麻辣薯粉最緊要就係個湯底，我個人比較鍾意食比較麻嘅湯，而呢一間就做到啦！麻未比較勁，辣味都好夠喉！薯粉都煮得啱啱好，因為自己試過係屋企煮寬薯粉，所以知道煮呢啲寬粉真係好需要時間同埋好不容易。
最最最最後介紹嘅係，令我印象深刻嘅凍檸茶！雖然我唔係好識形容，唔知係咪飲開嘅凍檸茶都係差唔多款，所以冇乜太大嘅期待。但係嗰日飲果杯，唔知係個檸檬特別新鮮定係點樣呢？杯凍檸茶真係好好飲，有一陣好香嘅茶味同埋好新鮮嘅檸檬味。
起初我以為自己太誇張，然後比朋友試飲一啖，朋友都覺得係有啲特別~ 所以可以試吓過去叫佢個檸檬茶，不過唔知係咪咁啱我哋嗰日好彩呢？
40 views
0 likes
0 comments
Post
