Wake Up

Open Now

Now Closed

今日路經荷里活廣場，行一轉竟然開左好多新餐廳。 見到2樓呢間Wake Up門面就好吸引，就同朋友入去試下。 坐底店員都好好招呼，問佢地有咩推介，原來都有幾多野好食。 好似焗豬扒飯跟秘製醬炒飯底，加$15仲有招牌wake up咖啡； 和牛Burger 有8層和牛芝士漢堡，有足8層材料，吉列茄子，白菌，洋蔥，蕃茄，雙層牛，芝士； 香蒜雪花蟹肉手工意粉； 同燒伊比利亞有骨黑毛豬鞍。 聽佢咁介紹我對厚切豬鞍有興趣啲，朋友就叫左個秘製烤無激素春雞半隻配鮮茄雜菜意粉。 套餐跟埋手工麵包，湯同茶，好豐富。 無激素春雞半隻都幾大，而且切開都好多件，好嫩滑，又夠香。 而厚切豬鞍真係好厚，似係慢煮既質感，厚得黎好嫩口爽化，配埋特製蘋果醬真係好正。 最後食埋佢地既椰子雪芭，超香椰子仲要好大件。 呢個雪芭真係不得了，必食。呢間餐廳真係好高質，下次要再黎食先。