PHI Coffee & Pancake (尖沙咀中心)

Open Now

Now Closed

之前已經去過【PHI Coffee & Pancake】食覺得食物尤其係佢地個pancake都幾高質同幾有heart，今次尖沙咀尖東就開左新舖，最近就去左食下午茶同dinner。漢堡扒全日早餐：呢個之前其他分店無食過，包括一個漢堡扒、煙肉、太陽蛋、沙律、炒蘑菇、牛油果同牛油多士。漢堡扒非常厚同大塊、非常juicy熱辣辣。另外最喜出望外係牛油多士，非常香脆再加蜜糖好香甜。法式鴨腿配紅酒意大利飯：紅酒番茄意大利飯入面加左好多雜菌，飯非常香濃、唔會太酸。法式鴨腿非常軟霖。仲有D parma ham增加層次感。聖誕老人跌入梳乎厘陷阱：聖誕限定超可愛pancake，個base係佢地最classic既梳乎厘pancake。上面加左士多啤梨cream同有另外上雜莓醬，酸酸甜甜。梳乎厘pancake非常鬆軟。漂浮士多啤梨蘇打：士多啤梨梳打唔會好甜都幾refreshing，裏面漂浮士多啤梨係凍乾士多啤梨。人見人愛花茶：裏面有茶葉、菊花、士多啤梨、玫瑰、洛神花等等，好香濃、而且好溫暖，好適合冬天。