Video
Read full review
2019-01-11
796 views
近日天氣凍咗唔少，終於有返啲冬天嘅感覺天寒地凍，最好嘅節目，一定係打邊爐到今時今日，打邊爐嘅花樣亦愈來愈多，各種食材都可以納入其中，就如今次去嘅壹蒸鍋，十分精彩豐富一到場，就算訂咗位、餐廳空間座位充裕，都要等位一陣無辦法，天氣凍，打邊爐會爆場係意料中事就趁等位嘅時間，睇定揀定有乜嘢食點菜紙上有蒸品、蔬菜、肉類等各種任食材料，品種多樣化一埋位，侍應就俾我哋揀湯底，仲有紙可以order刺身男友揀咗鮮茄湯底，我亦點咗幾塊三文魚刺身刺身好快上枱，附加咗幾隻甜蝦，同時仲嚟咗一碟雞腳有枝「餐前小食」旗仔喺上面，好搞鬼刺身屬一般貨色，畢竟唔係重點，再者，緊接出場嘅主角，實在太．吸．引❤好大盤海鮮！有龍蝦扇貝蟶子蝦螺蜆蠔魚豐富到一個點見到已經流晒口水下一層仲有細細份嘅蒸餸湯底上爐後，兩層蒸架一齊放上煲面，利用滾起湯底嘅熱力+蒸氣，同時蒸熟餸菜及海鮮，方便、同步、省時，一舉幾得最頂層嘅海鮮用穿孔蒸網，方便海鮮平均受熱熟透外，蒸煮過程中海鮮嘅肉汁可以滴落到下方嘅蒸餸+湯底，絕對唔會浪費海鮮嘅每一分每一滴，GOOD！一切就緒，侍應校好計時器，倒數完畢就食得~好期待！等食期間就食住刺身雞腳&拎飲品調味料飲品、
天寒地凍，最好嘅節目，一定係打邊爐
到今時今日，打邊爐嘅花樣亦愈來愈多，
各種食材都可以納入其中，
就如今次去嘅壹蒸鍋，十分精彩豐富
一到場，就算訂咗位、餐廳空間座位充裕，都要等位一陣
無辦法，天氣凍，打邊爐會爆場係意料中事
就趁等位嘅時間，睇定揀定有乜嘢食
點菜紙上有蒸品、蔬菜、肉類等各種任食材料，品種多樣化
一埋位，侍應就俾我哋揀湯底，仲有紙可以order刺身
男友揀咗鮮茄湯底，我亦點咗幾塊三文魚刺身
前菜
165 views
0 likes
0 comments
刺身好快上枱，附加咗幾隻甜蝦，同時仲嚟咗一碟雞腳
有枝「餐前小食」旗仔喺上面，好搞鬼
刺身屬一般貨色，畢竟唔係重點，
再者，緊接出場嘅主角，實在太．吸．引❤
各式海鮮
126 views
1 likes
0 comments
好大盤海鮮！
有龍蝦扇貝蟶子蝦螺蜆蠔魚
豐富到一個點
見到已經流晒口水
下一層仲有細細份嘅蒸餸
湯底上爐後，兩層蒸架一齊放上煲面，
利用滾起湯底嘅熱力+蒸氣，同時蒸熟餸菜及海鮮，
方便、同步、省時，一舉幾得
最頂層嘅海鮮用穿孔蒸網，方便海鮮平均受熱熟透外，
蒸煮過程中海鮮嘅肉汁可以滴落到下方嘅蒸餸+湯底，
絕對唔會浪費海鮮嘅每一分每一滴，GOOD！
一切就緒，侍應校好計時器，
倒數完畢就食得~好期待！
等食期間就食住刺身雞腳&拎飲品調味料
各式醬料
74 views
0 likes
0 comments
飲品、調味料都係自助式任拎，
長長一排醬料，任食客按自己喜好混醬
比較特別嘅係有柚子醋、牛肉汁、桂林辣醬，
甚至XO醬都可以任拎，好豪氣哦～
飲品櫃旁邊仲有一個冰櫃，
裡面有雪米糍、雪條，同樣自助任食，正！
唔覺唔覺，轉眼就夠鐘，食得海鮮啦！
一開蓋，蒸氣爆發彌漫，連同海鮮香氣飄散，
涉透至嗅覺，刺激食慾——
唔得啦忍唔住啦！
海鮮
73 views
0 likes
0 comments
隨意影一影相之後，立刻起筷夾海鮮
海鮮有清蒸有蒜蓉粉絲，前者鮮美後者惹味，
所有海鮮都非常鮮甜，魚肉滑溜到爆，超好食！
好耐無食過海鮮嘅我，真係勁開心啊~
一次過食到幾個品種嘅海鮮，好爽！
食完海鮮，再淺嚐一下平凡嘅小盅蒸品後，
好快就開始打邊爐
落料之前，先試試湯底係常識吧！
蕃茄湯底
63 views
0 likes
0 comments
蕃茄湯底酸度夠，而且非常鮮，
相信係因為吸收晒海鮮嘅精華……
咪住！
一撈，發現湯底內有乾坤！
蕃茄湯底
54 views
0 likes
0 comments
原來唔止足量蕃茄，仲有大量煎香過嘅三文魚骨腩！
難惟個湯底咁好味啊~~~
48 views
0 likes
0 comments
火鍋配料亦唔輸蝕，以少份量為單為，
食客可以每樣食材都試勻，啱食再encore，
減少浪費之餘又貼心地讓食客盡多選擇
特別值得一提嘅係，有鮮田雞及花膠，
一樣任食，仲要質素都唔差，鍾意食嘅朋友必點！
極力推薦俾大家，最好訂咗枱先，
如果唔係WALK-IN好易無位又要等餐懵啊！
Post
