慶發飯店

Open Now

Now Closed

一間食店一日能夠開20個鐘，究竟做出啲乜嘢食物呢？所以就去試試，十時多去到，樓下較多人， 老闆大聲一叫：樓上有位 ， 望見樓梯，寫了個招牌是樓上雅座，於是上了二樓，樓上雅座其實不是什麼雅座，只是圓枱和圓櫈， 但可看到有間房仔，點心師傅在努力地整緊點心 ，快速地，一盤一盤的點心整好取出嚟，真勁！看了點心紙後，便決定點了燒賣、牛肉、煎糯米雞、 尖椒和叉燒腸粉，只需五分鐘左近，差唔多全部到齊。 大部份點心味道，全也不錯， 如燒賣好夠肉味，果然是招牌貨 尖椒有點辣，但是非常香口！ 最令我意外的是煎糯米雞，非常特別，裏面啲肉好淋， 糯米又好煙韌，但煎一 煎，又夠香口， 非常突出，一試難忘。這店的老細和員工待客之道是一致的， 只是一個短短早餐用餐時間，便同樣地令我感受到帶有土瓜灣舊區傳統嘅人情味在內， 加上味道美味而價格便宜，值得回頭一試再試！ 還有日日如是，一天做足20個鐘，竟然能做出如此美味出品，真令人敬佩！