慶發飯店

Open Now

Now Closed

呢間嘢下午三點落場換下一更準備晚市 （期間鋪頭應該係有人keep住係度 唔係落閘收舖）我只係食慢咗啲3:02pm食完最後一啖出嚟 佢哋2:58pm就係咁對我大叫「我哋收工啦！我哋收工啦！」 最後我只係遲咗2分鐘走其實最後個10分鐘都就嚟食完 但佢大叫個幾下態度勁差，實際上我又無真係「阻住佢收工」 。幫襯過好多次，但呢次之後我會重新考慮仲會唔會再食 。

喺土瓜灣咁多年食足咁多年，去親飲茶一定揀佢，點心好好食，蝦餃燒賣牛柏葉叉燒包鳳爪全部都好好食。有啲酒樓茶室同雪藏點心有得比，呢間真係唔同，有時坐樓上，仲會睇到師傅手包點心。最鍾意嗰種新鮮出籠會嗌出嚟問大家要唔要嘅感覺，每次都覺得好熱鬧開心。

好耐冇嚟幫襯，今日嚟買例牌嘅排骨飯、潮州粉果、咸水角、雞扎，但除咗排骨飯之外，其餘點心嘅味道同用料都唔同咗以前鐘意嘅口味，潮州粉果餡料變咗不倫不類，咸水角啲皮又厚又韌。今日見唔到高佬坐鎮，唔知係咪因為換咗㕑，所以質素不及以前！以前高佬好有心整咸水角，我老婆特別鐘意食，係必點！潮州粉果係我自己由細到老嘅至愛，以前雖然餡料唔係百分百正宗，但亦都比得上一般酒樓水準，但今日食嘅就完全唔係嗰回事，非常之失望！

土瓜灣，一般人未必想得起嚟食宵夜，但今次我發現咗一家過夜嘅寶地。行入去，就見到啲姐姐工作嘅火喉火勢，點餐都即興，人流雖然紛紛擾擾，但服務意外咁準確嘅。首先黎一碟嘅皮蛋瘦肉粥🥣，吸引到我即時想開動，粥底濃滑，質感一流，啲皮蛋夠腍，咬落有層次。再嚟就係個人最愛嘅鹹水角，外皮炸得金黃酥脆，却又唔會過於油膩，啦啦嘅口感，金黃色嘅外表下，隱藏住爆發力十足嘅餡料，啖啖肉感非常滿足！再者，花咁少錢食到如此令人嘆為觀止嘅飲茶體驗，係真心覺得自己撞大運。大包、牛柏葉每一樣都做得好入味，精神飽滿，尤其係牛柏葉🌱，香而不膩，咬落彈牙得嚟唔失萎靡。總括來說，喺這家店嘅食物多到我食得非常開心，啲味道真係過癮，食到肚子圓滿。同朋友聚舊，一邊傾計一邊夜宵，真喺質素同滿足感兼得。去完饒富港味嘅美食之旅，一定會再戰！👌🏿🌃🍢

夜麻麻又餓餓地，想飲個夜茶，一定要嚟慶發，2點去到都有好多人幫襯。舖頭有兩層坐位好充裕，唔會坐得好逼。一坐低就問我飲茶定飲湯，夜麻麻飲茶驚瞓唔著，就揀咗飲湯，睇個樣就覺得煲得好足料，再叫咗碟叉燒腸粉同蝦餃。湯我覺得好好味，點心味道唔錯啦，蝦餃唔算大粒，皮唔會太厚。腸粉同茶樓食嗰啲都差唔多。味道就唔算好突出，但勝在夜晚有點心食，好似係24小時營業，宵夜都算係好選擇。地址土瓜環譚公道102-106號嘉運閣地舖港鐵宋皇台道D出口，步行約9分鐘

雖然大多人是來食夜茶的，但對於街坊嚟講係全天飯堂蝦餃不是太大，屬正常尺寸。鹌鹑蛋燒賣意外之喜，是難得有地方吃的古早點心。手工點心在如今的香港也是買少見少了，希望長久可食。

放工接近凌晨🌃 想同班兄弟飲吓嘢茶🍵 食點心🥧叫咗超多嘢食🤣 首先一人叫咗一碗中湯 超多料 冇味精 然後燒賣 鮮竹卷 叉燒腸 咖喱魷魚 牛柏葉 棉花雞 最後一定係佢嘅招牌煎糯米雞🤭 其實樣樣都好好食 唔會比出面大茶樓差 不過要留意煎糯米雞好痴牙🤣 未必個個鍾意 其他小編比⭐️⭐️⭐️ 三個大男人都食得好飽 價錢超實惠 舖頭有兩層 凌晨時分估唔到都幾多人 🧍👫👬夠熱鬧 另外佢哋嘅點心係一個大蒸籠 所以可以自己落去睇住揀😌 出邊大酒樓基本上都係填紙仔 少咗呢種風味

呢間有介紹過係現場整點心吳係叫貨😉不一一介紹個人覺得鳳凰煎米雞🤩吸引到我雞蛋既滑包住糯米雞煎到脆口入面既料重點點鹹結: 其實樣樣都 及格之上👍🏻例如 燒賣夠實 👍🏻且彈牙無肥皂凰瓜夠膠質👍🏻#鹹水角#蝦餃#燒賣#雞札#鳯瓜#鳳凰煎米雞#慶發飯店

🌟飲夜茶一定要去慶發飯店！📍位於：士瓜灣譚公道102-106號嘉運閣地下首先叫咗碗蓮藕紅蘿蔔豬骨湯！煲得好濃，好好飲，d料又夠多牛柏葉好爽口蝦腸粉，d蝦好大粒，腸粉好滑，多豉油先至正飲茶當然唔少得炒米粉，火腿都夠多，炒到岩岩好，加埋甜醬辣醬簡直一流

搬左尼附近有間茶樓 仲要開24😁😁我好中2食消夜❗️❗️❗️岩哂我拉早上有早茶，夜晚有夜宵食物幾好五錯，好親民，但有小小貴🫶🏻我最中2蝦餃燒賣❗️超正阿！

我知道哩間手工點心鋪，喺因為米紙🤣 睇完哩集之後，過咗兩日…朝早特登搭車出去食，好神心鋪頭有兩層，樓上有個房仔喺點心師傅整點心嘅地方～啲位唔算好多，亦都唔逼，坐得都算喺舒服👍🏽上網睇過下啲食評，見有啲人話味道麻麻地～出發前我哋都討論過可能大家食得太多酒樓重口味嘅點心，所以先咁認為！今次嚟就試下我哋有冇諗錯🤣我哋叫咗蝦餃、鵪鶉蛋燒賣、馬拉糕、春卷、煎腸粉、煎糯米雞！整體嚟講有驚喜(可能睇咁差評)！反而我哋覺得哩個先係正常口味，平時啲點心太咸🫣蝦餃唔算大大粒，調味👍🏽只喺差咗啲筍嘅口感～鵪鶉蛋燒賣正常，睇片鵪鶉蛋喺煮完逐粒mok殼，唔喺入貨返嚟！馬拉糕原舊上，好正，熱辣辣好軟熟，唔會太甜👍🏽岩哂我春卷，煎腸粉夠香口，尤其煎腸粉真喺好有以前鄰酒樓車仔嘅味道🥹煎糯米雞我幾鍾意食😆煎到脆脆地，又煙煙韌韌總括嚟講，食物質素👍🏽會翻焯！帶daddy mami 嚟試吓💛💛💛特別欣賞依然人手整點心💛📍 土瓜灣譚公道102-106號嘉運閣地下#美食 #食評 #香港美食指南 #香港美食推介 #食好西 #小店 #hkfoodielife #hkfoodgram #hkfoodie #hkfoods #土瓜灣美

見有youtuber介紹呢間既人手點心於是特登妟晝去試下係咪咁好食去到似茶餐廳格局 感覺親民點心亦都係即叫即整有新點心蒸出 師傅會即時問客要唔要原籠馬拉糕好食，唔怕蒸到淋或者硬，唔痴牙又好鬆軟 推薦鵪鶉蛋燒賣，雖然都鍾意食蟹籽燒賣，但而家好少茶樓有呢樣揀，通常都特別貴咖哩魷魚份量多，味道出色夠入味 薑蔥牛柏葉，爽口彈牙 鮮蝦腐皮卷，即叫即蒸，來到時熱辣辣，外皮十分脆口總結覺得呢度嘅手工點心比一般連鎖酒樓更美味！人手整之餘 仲即叫即蒸 唔怕擺太耐唔好食價錢又唔昂貴老闆，師父同員工都好有禮貌有機會會再來encore！

📍慶發飯店 土瓜灣譚公道102-106號嘉運閣地下。。早排睇到Youtuber介紹依間飯店飲夜茶！咁啱係前幾日玩得比較夜又有啲口痕又唔想食老麥同串燒，就醒起依個飲夜茶地方！講到飲夜茶、好自然我會諗起西環個邊。難得九龍依邊都有得飲真係啱晒我！依間飯店沒有冠冕堂皇裝修，係一間地道小店。店內面積唔算大，大約有6張枱左右。所有點心都係熱辣辣新鮮蒸好！個模式就好似唐記包點咁,order完就即刻係隔離坐低食。係食野期間都見到好多人買外賣🥡證明都有好多街坊支持。🔹點心整體來講都可以，未去到話勁好食！但熱辣辣新鮮蒸出嚟而且係店內手造點心真係大大加分😊價錢定位都比較親民。點心最令我有驚喜係馬拉糕！超級抵！推介！$18一大籠，平時酒樓食好少可會原個上！而且熱辣辣好鬆軟唔會乾憎憎！兩個人叫左5個點心、一個例湯、一個蒸飯百幾蚊埋單！抵！以後又多個宵夜飲夜茶地方了😍小店真係需要大家多多支持！手造點心真係買少見少了！。。❤️多謝大家支持 Eyefoodfood喜歡呢個post就記得要like同收藏啦💛。。#hkfoodie #foodiehk #hkfoodblogger #食好西 #食好西系列 #hkinflue

陽光充沛的中午，想找個地方吃吃現做點心（現在太多連鎖酒樓點心是交貨的），這間是在我「想去」而又未去過的名單之一。幸運地在附近找到錶位，唔洗泊街心掛掛。店舖有兩層，地下二樓各有幾張圓枱。菜單就這些，有時餐廳做得太雜未必是好事，因為好難每一類別都做得優秀。餐廳主供點心，沒有炒粉麵，合我心意。先說蒸點：蝦餃同燒賣最快到，水準正常，蝦餃皮薄，相比連鎖酒樓的好吃，但又不至於是喜出望外；排骨特別細碟，亦都切到好細粒，排骨好明顯不會過分用梳打和啤水，是實實在在的肉的質感。有些像家中自己蒸排骨，可能是用新鮮排骨？我不敢肯定。牛柏葉，超級推薦，又大碟，又好味，又唔會油淋淋。再說煎點：煎腸粉，同埋鮮蝦腐皮卷（忘記拍照）10分出色，即煎的，煎得很香，沒有多餘的油分，熱到辣咀。推介兩個人，6個點心，早午合併餐，才百多元。抵食。環境算係乾淨，沒有裝修的，街坊小店格局，姐姐親切，會再來。

你話超好食咩，咁就一定唔係你想好多樣野揀咩，咁又可能失望但係始終因為自己舖頭手做，質素穩定，同埋唔會好似攞工場果 D 點心咁樣 “死” 既至少我第一次試都覺得好 OK譬如蝦餃，一啖一個，蝦肉爽口，竹筍同肥肉有夠，想搵返傳統味道既人一定要點煎蝦米腸係有舊時酒樓車仔即煎既味道，同埋佢地 甜醬 同 麻醬 都 *無*溝*水*，剩係呢個就已經加分鳳爪唔會一 pat 軟瀨瀨咁樣，起碼夾起都仲有彈性，唔會甩皮甩骨而且因為做街坊生意，價錢好公道 $20-$30 一個點心