悅火 (Closed)

去完日本旅行無耐，又想食日本野🙈上網search 咗附近有咩高分日本餐廳後，就決定要試試依間有好多好評嘅日本餐廳▶️悅火🇯🇵🇯🇵▶️白麵豉螢光魷魚〰️ 白麵豉鹹鹹甜甜，估唔到同螢光魷魚嘅味道又幾夾喎😻▶️蒸蛋〰️滑嘟嘟，好重蛋香味🥚▶️壽司12貫〰️壽司飯粒粒飽滿，醋味自然融和，廚師握壽司嘅力度適中👨🏼‍🍳印象比較深刻嘅係大拖羅、帶子、深海池魚同海鰻，呢12件壽司無論賣相同味道都係無懈可擊🙊▶️海膽魚子迷你丼〰️ 海膽完全遮蓋住。下面嘅壽司飯，份量澎湃😻▶️烏冬〰️簡單嘅上湯烏冬都食得出餐廳喺煲上湯時嘅心機，所以我連湯都飲晒🙈