Video
Read full review
2022-11-15
1391 views
米芝蓮推介泰國餐廳Samsen🤩|人氣長龍和牛船麵蟹肉奄列🤤|超高水準還原泰國街頭味道🥳|Samsen 泰麵「記不記得，你將證件與機票連著一份渴望，放入這背囊」，筆者終於久違地出走呼吸一下世界各地新鮮嘅空氣，今次就係快閃曼谷四日三夜，旅途樂而忘返，亦順道想推介一間香港個人認為最好食嘅泰式餐廳比大家，Samsen於灣仔及上環都有分店，上環泰館就主打泰北料理及更多甜品選擇，而今次介紹嘅灣仔分店泰麵主打濃湯和牛船麵。-小食薑黃酥炸魷魚 3.9/5⭐️炸豬頸肉配烤蕃茄辣醬 4.2/5⭐️泰式蟹肉奄列 4.4/5⭐️我地揀咗三款小食，炸魷魚金黃香脆，配上酸辣醬汁作為前菜非常開胃。而炸豬頸肉係以切條形式上菜，同我地平時食開嘅泰式燒豬頸肉切肉唔同，依度切條豬頸肉原條入口啖啖肉，口感滿足，配埋蕃茄辣醬更加惹味。而蟹肉奄列上枱已經非常飽滿，切開更加見到蟹肉之多，配合埋奄切一齊食，啖啖蟹肉，非常滿足，十分之推薦。-主菜招牌泰式和牛濃湯河 4.3/5⭐️招牌泰式蟹肉炒飯 4.5/5⭐️和牛湯河係肉眼可見嘅濃湯深色，但濃而不膩，飲落帶有泰式船麵嘅甜香，十分惹味，而澳洲和牛亦係大方厚切嘅份量，好重和牛味，但稍稍扣分亦因為
人氣長龍和牛船麵蟹肉奄列🤤|
超高水準還原泰國街頭味道🥳|
Samsen 泰麵
「記不記得，你將證件與機票連著一份渴望，放入這背囊」，筆者終於久違地出走呼吸一下世界各地新鮮嘅空氣，今次就係快閃曼谷四日三夜，旅途樂而忘返，亦順道想推介一間香港個人認為最好食嘅泰式餐廳比大家，Samsen於灣仔及上環都有分店，上環泰館就主打泰北料理及更多甜品選擇，而今次介紹嘅灣仔分店泰麵主打濃湯和牛船麵。
-小食
薑黃酥炸魷魚 3.9/5⭐️
炸豬頸肉配烤蕃茄辣醬 4.2/5⭐️
泰式蟹肉奄列 4.4/5⭐️
我地揀咗三款小食，炸魷魚金黃香脆，配上酸辣醬汁作為前菜非常開胃。而炸豬頸肉係以切條形式上菜，同我地平時食開嘅泰式燒豬頸肉切肉唔同，依度切條豬頸肉原條入口啖啖肉，口感滿足，配埋蕃茄辣醬更加惹味。
而蟹肉奄列上枱已經非常飽滿，切開更加見到蟹肉之多，配合埋奄切一齊食，啖啖蟹肉，非常滿足，十分之推薦。
-主菜
招牌泰式和牛濃湯河 4.3/5⭐️
招牌泰式蟹肉炒飯 4.5/5⭐️
和牛湯河係肉眼可見嘅濃湯深色，但濃而不膩，飲落帶有泰式船麵嘅甜香，十分惹味，而澳洲和牛亦係大方厚切嘅份量，好重和牛味，但稍稍扣分亦因為和牛同濃湯亦係濃味搶口嘅味道，令到兩者味道過於突出，但又未能夠完全融和兩者特色。
而蟹肉炒飯雖然賣相同普通炒飯分別不大，但其實內有乾坤，碟碟即炒嘅炒飯做到粒粒分別不在話下，非常之夠鑊氣，而且啖啖鮮甜蟹肉令到炒飯提昇另一個層次，非常推薦。
-甜品
芒果糯米飯 4.1/5⭐️
泰式街頭椰子雪糕 4/5⭐️
芒果糯米飯係香港亦已經非常普遍，差不多間間泰式餐廳都有，但係依度完美還原咗係泰國芒果糯米飯嘅味道，糯米飯軟糯煙韌，芒果鮮甜，椰汁咸甜比例適中，加上粒粒脆米嘅畫龍點晴，亦係必食推介，少少可惜係定價稍高。
椰子雪糕賣相吸晴，用椰殼盛載兩球椰子雪糕再加上椰子片栗米及花生增加口感，為依餐濃郁嘅泰國風味畫上完美句號。(稍稍一提，上環分店更加有班蘭同泰式奶茶味雪糕供應，而且仲有即叫即煎嘅香蕉煎餅，我都係大力推薦!)
-
總結:依間餐廳亦都算係我飯堂之一，經常想食泰國菜就會想幫襯，不過要留意多數都未必能訂到位置，要排隊齊人入座，而且擺枱擠迫，要想舒適慢慢傾計嘅朋友可能未必啱，但係食物水準非常一流，仲有其他炒闊河粉嘅味道亦係香港數一數二之選，或者等我留待下次寫上環分店再作介紹。
====
Samsen 泰麵 (灣仔)
📍灣仔石水渠街68號地下
====
#Samsen#泰麵 #WanChaifood #灣仔美食 #hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger #食好西 #相機食先 #香港美食#泰國菜#米芝蓮推介
====
有興趣睇更多好西推介，或者大家有好西Share，請大家Follow下我，比D支持✨：@healoop.foodie
33 views
0 likes
0 comments
33 views
0 likes
0 comments
泰式蟹肉奄列
41 views
0 likes
0 comments
泰式蟹肉奄列
59 views
0 likes
0 comments
招牌泰式和牛濃湯河
35 views
0 likes
0 comments
招牌泰式蟹肉炒飯
38 views
0 likes
0 comments
芒果糯米飯
33 views
0 likes
0 comments
泰式街頭椰子雪糕
29 views
0 likes
0 comments
Post
