卡拉奇

Open Now

Now Closed

呢度附近好多穆斯林，成就咗呢度附近有好多印度菜，呢間係相對大，同裝修得靚靚仔仔嘅店，選擇亦相對豐富，有白飯/炒飯🍛、沙律🥗、印度薄餅naan🫓、wraps🌯、漢堡🍔、pizza🍕，可適合一大班人多種口味選擇。中午有lunch set $69包汽水，可揀naan/飯。喺呢區算係相對貴啲嘅選擇了。建議一大班人嗌幾個lunch set，然後加多幾個naan薄餅share，因為啲咖喱汁夠送多幾塊薄餅，同事們食完都仲有剩。// Fish Curry意外地啲魚，處理得不錯！雖然係普通冰鮮鱈魚柳，不過食得出佢有足夠解凍時間，冇雪味、冇腥味，輕微炸過先放入咖喱中。其實用鱈魚柳都有好處，就係肯定啲魚冇骨！啲咖喱完全唔辣，勁好送薄餅。啲印度薄餅naan，係即搓即整，聽到廚房喺度撻、搓嘅聲音，仲見到廚房係印度人主理。送到上嚟啲薄餅都係熱辣辣，中間有一層層，唔油膩，超級鬆軟！！！必定Anchor！中午一點時分店外，超多穆斯林聚集，似喺附近樓上聚會完其中都有一位入嚟食，叫咗羊肉炒飯，見評語話係最好食嘅羊肉炒飯，下次要來試試！