牛品台式火鍋

Open Now

Now Closed

今日黎呢間台灣火鍋店食自助任食邊爐，呢度都幾多幾食，有主打嘅火鍋之外，仲有好多台灣食品，個價錢唔算太貴，所以今日同朋友一齊去，朋友食完都話下次可以再encore。呢度都幾多款湯底選擇，有差唔多十款，每款都好似幾好味，我地最終叫咗沙茶海鮮湯底，個湯底都幾香濃沙茶味，入面仲有大蝦同大蜆。出面有大量台式丸同好多火鍋配料，有d都幾特別，出面好少有得食。有好多熟食，有台灣小食，肉燥飯都有。d牛肉勁新鮮勁靚，脂肪分佈非常均勻，食落非常嫩，好重牛味，真係encore咗好多碟，佢地上菜速度都非常快。出面d甜品都幾正，有自助吧，可以自由配搭台式芋圓，仲有4款haagen-dazs雪糕，最特別係可以自己整雪花綿綿冰，可以自己加雪糕或者加芋圓。我地食牛御品餐，所以每人送一杯春陽茶事嘅台式飲品，我地叫咗珍珠鮮奶茶，都幾好飲，珍珠好煙韌，奶味好濃。