豐信餃子店

Open Now

Now Closed

平日晚市6點半到埗，前面有7張票，大概等左30分鐘就有位。餐廳環境唔大，但勝在食客大概食30分鐘，除左煎餃需時，其餘食物落完單，都好快有得食。紫甘藍粟米餃($38)，湯底冇味精，清甜唔油膩，飲哂完全冇問題。餃子7大隻，隻隻飽滿。尼款較少見，餃子非常鮮甜，咬落有爽脆口感，仲好多汁。韭菜餃($38)，不過不失，一樣大隻爆餡。個人覺得紫甘藍口味更勝一籌，其他餃子亦好值得試。小食涼拌皮蛋($20)，皮蛋蛋黃綿密，不過蛋黃同皮蛋透明層較易分離，有dd散開。不過黑醋味濃郁，開胃。羅漢果甘草茶($10)，一大枝，回甘味重，清熱一流，仲好抵飲。整體，好值得排隊食，由湯底至餃子餡都好出色，有機會一定要叫佢既特色少見餃子，以及小食。