Video
Read full review
2022-04-27
268 views
食左咁耐外賣，終於等到開返晚市堂食，當然要食餐好嘅。夢係少數主打食懷石料理嘅高級日本餐館，兩年前都食過一次，今次再黎仍然有驚喜，因為每一道菜都比之前更精緻，靚到好似藝術品咁唔捨我食，成餐飯都非常夢幻。餐廳分左壽司吧枱同普通餐枱，天未黑就黎到所以未有其他食客，雖然係咁，但餐廳因為衛生問題，都會盡量安排食客坐返餐枱。晚餐分左三個唔同價位，我地揀左最經濟嘅季節懷石($1,380/人)，裡面包左前菜、刺身、熱盤、味噌湯同甜品。第一道前菜用一個長方形木盒裝住，打開木盒原來係由紅菜頭汁造嘅脆筒，裡面放左螢光魷魚，脆筒好對好脆，入面嘅螢光魷魚唔會太鹹。食完先付就黎到八寸，佢都係前菜嘅一種，因為以前通常會放喺長寬約八寸嘅盒入面上枱而得名。八寸嘅食材一般會根據季節而定，哩度嘅八寸都會每三個月轉一次。八寸放左喺幅畫上面，四月係櫻花嘅季節，所以畫上面都放左棵櫻花樹同重現左滿地櫻花花瓣嘅場景，超級浪漫～！！上面放左四款唔同食材，由左至右分別係，蠶豆伴帆立貝他他、炸櫻花蝦芋泥、北海兗白露筍同芝麻豆腐，全部一口一粒，的骰又精緻，其中我最鍾意芝麻豆腐，因為芝麻味好香好重。食完八寸，之後侍應就送黎一個長方形雕花木盒同
餐廳分左壽司吧枱同普通餐枱，天未黑就黎到所以未有其他食客，雖然係咁，但餐廳因為衛生問題，都會盡量安排食客坐返餐枱。
晚餐分左三個唔同價位，我地揀左最經濟嘅季節懷石($1,380/人)，裡面包左前菜、刺身、熱盤、味噌湯同甜品。
第一道前菜用一個長方形木盒裝住，打開木盒原來係由紅菜頭汁造嘅脆筒，裡面放左螢光魷魚，脆筒好對好脆，入面嘅螢光魷魚唔會太鹹。
紅菜頭脆筒
8 views
0 likes
0 comments
紅菜頭脆筒
8 views
0 likes
0 comments
食完先付就黎到八寸，佢都係前菜嘅一種，因為以前通常會放喺長寬約八寸嘅盒入面上枱而得名。八寸嘅食材一般會根據季節而定，哩度嘅八寸都會每三個月轉一次。
八寸放左喺幅畫上面，四月係櫻花嘅季節，所以畫上面都放左棵櫻花樹同重現左滿地櫻花花瓣嘅場景，超級浪漫～！！上面放左四款唔同食材，由左至右分別係，蠶豆伴帆立貝他他、炸櫻花蝦芋泥、北海兗白露筍同芝麻豆腐，全部一口一粒，的骰又精緻，其中我最鍾意芝麻豆腐，因為芝麻味好香好重。
八寸
15 views
0 likes
0 comments
食完八寸，之後侍應就送黎一個長方形雕花木盒同一個扁圓鐵罐。鐵罐入面係用左低温方法處理嘅北海道牡丹蝦，上面再放左黑到發亮嘅黑魚子，而木盒入面係三種唔同味道嘅米紙，分別係黃柚子、黑松露同櫻花蝦。
北海道牡丹蝦配米紙
13 views
0 likes
0 comments
食時可以將適當份量嘅牡丹蝦放喺米紙上面，米紙好薄好脆，所以放牡丹蝦時都要用陰力，牡丹蝦雖然唔係平時成隻蝦嘅形狀，但入口一樣超鮮甜。
北海道牡丹蝦配米紙
6 views
0 likes
0 comments
刺身周圍用左好多仿真花同蝴蝶做裝飾，成個花園咁好夢幻。由淡味食到濃味，可以先食下面嘅依佐木，魚味比較淡，可以蘸芥辣同豉油會帶出魚鮮味。之後可以食右上角嘅北海道帆立貝，佢本身已經加左青檸汁同竹炭鹽，所以就咁食已經可以，青檸汁點到即止，唔會搶晒帆立貝嘅鮮甜味。最後可以食左上角嘅梳子魚，就咁睇會覺得油份好豐富，但食落又唔會成口油咁。
刺身三品
7 views
0 likes
0 comments
上湯浸烏賊伴鱈魚乾
7 views
0 likes
0 comments
上湯浸烏賊伴鱈魚乾
5 views
0 likes
0 comments
上湯浸烏賊伴鱈魚乾
20 views
0 likes
0 comments
第二道熱食係一隻類似雲吞上面放左隻蟹仔，蟹仔其實係生長喺河邊嘅澤蟹，炸到酥脆，所以可以連殼食，不過為免俾佢啲蟹腳拮損，最好分兩三啖食。澤蟹下面嘅其實係酥皮，酥皮好薄好軟，入面包左松葉蟹肉。
松葉蟹肉釀酥皮配澤蟹
7 views
0 likes
0 comments
最後一道熱食係脆鱗金鯛，脆鱗金鯛肉質結實，面頭嘅鱗片脆卜卜，配上龍蝦醬食，味道非常濃郁。旁邊綠色嘅係蓮芋，口感爽脆，而紅色嘅係蓮藕漬，酸酸地幾清爽。
脆鱗金鯛配龍蝦醬
5 views
0 likes
0 comments
最後黎一碗味噌湯，熱辣辣唔會太鹹，入面有蘿蔔同豆卜。
味噌湯
6 views
0 likes
0 comments
甜品係海鹽雪糕，旁邊紅色係荔枝啫喱，上面粉紅色係玫瑰泡泡。海鹽雪糕係淡淡嘅海水味，唔會太鹹，幾清新討喜。
海鹽雪糕
24 views
0 likes
0 comments
總結，每一道菜除左高質之外，全部都好精緻Present得好靚，成餐飯都非常賞心悅目。
Post
