Video
Read full review
2021-12-22
257 views
是日放假跟朋友去逛完文化博物館後，就順道係沙田食飯，知道沙田食飯都如打仗船般人山人海，所以一早訂位食早輪。6:30 去到都已經有人在店外等候walk in 枱，幸好一早有訂位，所以立即就可以入座。港女左諗右諗然後決定叫菜時，講咗幾款後，待應姐姐話我地可以叫個2人套餐，一睇，原來真係我地想叫果啲全部都齊🤣🤣，所以唔諗就揀咗個2人餐，但其實個2人餐分量多到3個女生食都完全無問題，真心多，怪不得見大部分枱都係叫餐。🔸有個羊肚菌螺頭燉湯，以盅上，味道ok鮮甜，唔係味精水，而且超熱，我要放好耐才能入口，啱晒喜歡飲熱湯的朋友。🔸點心（四選二）我地揀咗小籠包及香炸蝦膠藕片，小籠包都okay, 皮無太厚，正常；至於個香炸蝦膠藕片都okay, 新鮮熱辣，蝦膠份量多。🔸涼菜（四選一）老成都夫妻肺片，份量好多，食極都仲有，有少香、少麻、少辣，但如果可以再辣啲會更好，雖然已寫咗微辣，但真係微得好緊要。🔸主菜（四選一）我地揀咗招牌酸菜魚，魚算滑，也有其他配菜及寬粉，份量又係好大份，但稍嫌不夠酸，辣會比夫妻肺片好啲，但可以再辣啲會更好。🔸蔬菜（三選一）因為唔想再食辣菜及奶油津白，以去除法揀咗朋友唔太喜歡既蟲草花炒
6:30 去到都已經有人在店外等候walk in 枱，幸好一早有訂位，所以立即就可以入座。
港女左諗右諗然後決定叫菜時，講咗幾款後，待應姐姐話我地可以叫個2人套餐，一睇，原來真係我地想叫果啲全部都齊🤣🤣，所以唔諗就揀咗個2人餐，但其實個2人餐分量多到3個女生食都完全無問題，真心多，怪不得見大部分枱都係叫餐。
🔸有個羊肚菌螺頭燉湯，以盅上，味道ok鮮甜，唔係味精水，而且超熱，我要放好耐才能入口，啱晒喜歡飲熱湯的朋友。
🔸點心（四選二）
我地揀咗小籠包及香炸蝦膠藕片，小籠包都okay, 皮無太厚，正常；至於個香炸蝦膠藕片都okay, 新鮮熱辣，蝦膠份量多。
🔸涼菜（四選一）
老成都夫妻肺片，份量好多，食極都仲有，有少香、少麻、少辣，但如果可以再辣啲會更好，雖然已寫咗微辣，但真係微得好緊要。
🔸主菜（四選一）
我地揀咗招牌酸菜魚，魚算滑，也有其他配菜及寬粉，份量又係好大份，但稍嫌不夠酸，辣會比夫妻肺片好啲，但可以再辣啲會更好。
🔸蔬菜（三選一）
因為唔想再食辣菜及奶油津白，以去除法揀咗朋友唔太喜歡既蟲草花炒翡翠苗，但比想像中好，唔算大草青味，正常炒菜一碟。
🔸甜品（二選一）
我地係高力豆少同豆沙鍋餅中揀咗高力豆沙，普普通通，唔太驚喜。
整體來說，豐盛二人餐份量超大，食物質素okay，3個人食都好飽，2個人食的話好懷疑食唔食得晒，全部係散叫份量，CP 值高，但有限時，而且先訂位較好。
Post
