大川滬 (Closed)

好想食小籠包、水煮牛肉，羊肉呀～行過見到呢間牌面唔錯，多人食同埋都幾光猛。羊肉鍋貼$58有四隻，肉汁多到咇出嚟！🤩👍👍好出色！勁足料！連個底都煎到金黃香脆，就算唔點喼汁都得，因為已經好有味，羊肉大塊又香濃多汁～小籠包$42有四隻，一樣肉汁多到咇出嚟，配埋有薑嘅喼汁，口感juicy。酸辣湯拉麵$68都好推介，酸辣湯不馬夫，酸同辣好ok，可以飲晒個湯～拉麵不過不失。食完再食水煮牛肉拉麵$80，呢隻辣都有參照大陸風味有放花椒同辣椒，幾惹味，牛肉仲有8塊，夠晒飽。